JOSHUA 14:15 - Bukuit Ne Tilil

¹⁵ Kainetap Hebron eng' tai ko ki Kiriath-arba. Ki chiito ne oo Arba kosiir tugul eng' Anagik. Ki imuuny emet eng' lugeet.

BUKUIT NE TILIIL Sireet ne Dutero Kanon

¹⁵ Kainetap Hebron eng' tai ko ki Kiriath-arba. Ki chiito ne oo Arba kosiir tugul eng' Anagik. Ki imuuny emet eng' lugeet.

BUKUIT NE TILIL

¹⁵ Kainetab Hebron eng’ tai ko ki Kiriat-arba; ki chito ne o Arba kosiir tugul eng’ Anagik. Ak kiimuuny emet eng’ luget.

JOSHUA 14:15 Referencias Cruzadas

TAUNET 23:2

ak ki mechi Kiriath-arba (nooto Hebron), eng' emetap Kanaan. Ki nyo Abraham kote ak koriir agobo Sarah.

TAUNET 35:27

Ki it anyun Jakobo Mamre, kap Isak kwandanyi, eng' Kiriath-arba (nooto ko Hebron), ole ki cham komenyei Abraham ak Isak ye kita ko toek.

TAUNET 37:14

Koleenji ineendet, “Ui anyun nguno, igeer ngo chamegei tupchosyeguk kobooto akweet; si inyoo imwaiwo.” Ki iyookto anyun kwo eng' atebweetap Hebron. Ki it Shekem,

1 ATEPTAP PEETUUSYEK 6:4

Ki sich `Eleazar Phineas, ki sich `Phineas Abisua,

NEEMIA 11:25

Eng' nganasook kobooto mbareenikwak, kogimenyei alak eng' lagogap Judah, Kiriath-arba ak nganasookyik, eng' Dibon ak nganasookyik, eng' Jekabseel ak nganasookyik,

JOSHUA 11:23

Ki nam anyun Joshua emet komugul, ko uu tugul che ki kamwachi `Kamuktaindet ne Toroor Musa. Ki igoochi `Joshua emonooto Israel koek porotennywa ko uu pcheutigap pororyosyekwak. Ki imuuny anyun emet eng' pooryeet.

JOSHUA 14:14

Ki ek anyun `Hebron poroteetap Kaleb weeriitap Jepune Kenisindet agoi ra, amu ki isup Kamuktaindet ne Toroor, Kamuktaindetap Israel eng' kagesunatetapkei.

JOSHUA 15:13

Ko uu ye ki ng'at `Kamuktaindet ne Toroor Joshua, ko ki kigoochi Kaleb weeriitap Jepune kebeberyan eng' kwenutap lagogap Judah nooto ko Kiriath-arba nooto ko Hebron. (Arba ko ki kwandap Anak.)

JOSHUA 21:11

Ki igoochi Kiriath-arba kwandap Anak (nooto ko Hebron) eng' emetap tuloonook ne po Judah kobooto emotinwekwak che kiyagisye che kiyiem.

JOSHUA 21:12

Ago ki igoochi Kaleb weeriitap Jepune korotinwegap nganaseet kobunji kobooto kokwotinwekwak.

KIRUOGIK 1:20

Ki kigoochi Kaleb Hebron ko uu ye ki kamwa Musa, ak ki oon eng' olooto weeriik somok che po Anak.

KIRUOGIK 3:11

Ak ki imuuny emet kenyiisyek artam. Ak ki me Othniel weeriitap Kenas.

KIRUOGIK 3:30

Ki kiterteer Moab peetuunooto eng' eutap Israel. Ak ki imuuny emet eng' kenyiisyek tamanwogik sisiit.

KIRUOGIK 5:31

Ingobek kowong'kei puuniguk tugul, ee Kamuktaindet ne Toroor! Ago ingoigei che chamei ineendet asiista, ye charu eng' kimnateennyi!” Ki piit kaalyeet anyun eng' emet kenyiisyek artam.

KIRUOGIK 8:28

Ki kiterteer anyun Midian eng' taitap piigap Israel, mata koyotkei met agoi. Ak ki mi kaalyeet emet eng' kenyiisyek artam kotee kosabe Gideon.

1 SAMUEL 30:31

ak che ki mi Hebron ak komoswek tugul che ki cham koitei Daudi ak murenikyik.