JOSHUA 13:13 - Bukuit Ne Tilil

¹³ Ago maon piigap Israel Gesurik anan ko Maakatik. Ki meny Gesurik ak Maakatik kwenutap Israel agoi ra.

BUKUIT NE TILIIL Sireet ne Dutero Kanon

¹³ Ago maon piigap Israel Gesurik anan ko Maakatik. Ki meny Gesurik ak Maakatik kwenutap Israel agoi ra.

BUKUIT NE TILIL

¹³ Ago ma on lagokab Israel Gesurik, anan ko Maakatik: kimeny Gesurik ak Maakatik kwenutab Israel, agoi ra.

JOSHUA 13:13 Referencias Cruzadas

TAUNET 35:22

Ye kita komenyei Israel emonooto, kwo Reuben koruiyo ak Bila, chebaigeiyatap kwandanyi; ak ki kas Israel ng'olyoondonooto. Ki taman ak aeng' weeriigap Jakobo.

2 SAMUEL 10:6

Kingo keer lagogap Ammon kole kagoyaagitu icheeget eng' Daudi, koyookto keguur piigap Syria che menyei Beth-rehob ak piigap Syria che menyei Soba, si konyoor melekto murenik eliphuusyek tiptemu che punei keelyek, kobooto Laitoryat Maaka ak murenik eliphuut ak murenik eliphuusyek taman ak aeng' che po Tob.

2 SAMUEL 3:3

Weeriinnyi ne po aeng' ko ki Kileap, ne kisichei Abigail ne ki osotyotap Nabal Karmelindet. Ne po somok ko ki Absalom ne kisichei Maaka cheptap Talmai laitoryatap Gesur.

KAITOSYEK 33:55

Ago ngo moon piik che menyei emet koba eng' taing'wong', kogergeitu eng' konyekwok ak tuguuk che toorei piich ak katook eng' karaaswekwok ak konyaliilak eng' emet ne omenye.

NG'ATUTIK 3:14

Kiluul Jair weeriitap Manasseh emet komugul ne po Argob, agoi kiwotetap Gesurik ak Maakatik ak kiguure chooto ak Bashan Habot-Jair agoi ra.)

JOSHUA 12:5

Ki pounisyei ineendet eng' tulweetap Hermon, Saleka ak Bashan komugul kot koit kiwotetap Gesurik, Maakatik ak kebeberta ne po Gilead kiwotetap Sihon laitoryatap Hesbon.

JOSHUA 13:11

Gilead ak kiwotetap Gesurik ak Maakatik ak tulweet tugul ne po Hermon ak Bashan tugul agoi Saleka,

JOSHUA 13:12

laitornatet tugul ne po Og eng' Bashan, ne ki laitorani eng' Astarot ak Edrei (ineendet ko agenge eng' Repaik che ki ng'et); kiga kobar chuuto `Musa ak koon.

JOSHUA 13:14

Pororyetap Lawiik kityo ne ma igoochi poroteet, amu porotennywa kagoochinoigap Kamuktaindet ne Toroor, Kamuktaindetap Israel, che kigoitoi kobun maat ko uu ye ki mwachi ineendet.

1 SAMUEL 27:8

Ki togosta anyun `Daudi ak piikyik kobookyi Gesurik, Girsik ak Amelegik, amu chooto ko ki piik che ki menyei emonooto, piik che ki po keny, eng' ooreet ne kibunei kebendi Sur agoi emetap Misiri.