JOSHUA 10:12 - Bukuit Ne Tilil

¹² Eng' peetuut ne ki igoito Kamuktaindet ne Toroor Amorik kogoochin piigap Israel, koleenji `Joshua Kamuktaindet ne Toroor eng' taitap piigap Israel, “Ee Asiisi, tonon eng' Gibeon, ee Arawet, telel eng' atebweetap Aijalon.”

BUKUIT NE TILIIL Sireet ne Dutero Kanon

¹² Eng' peetuut ne ki igoito Kamuktaindet ne Toroor Amorik kogoochin piigap Israel, koleenji `Joshua Kamuktaindet ne Toroor eng' taitap piigap Israel, “Ee Asiisi, tonon eng' Gibeon, ee Arawet, telel eng' atebweetap Aijalon.”

BUKUIT NE TILIL

¹² King’alalji anyun Josua Jehovah eng’ betut ne kiigoito Jehovah Amorik eng’ taitab lagokab Israel; ak kimwa eng’ taitab lagokab Israel, kole, “Ee Asisi, tonon eng’ Gibeon; Ak inye Arawet, itelel eng’ atebwetab Aijalon.”

JOSHUA 10:12 Referencias Cruzadas

2 SAMUEL 2:12

Ki pa Abner weeriitap Ner ak otwogigap Ishbosheth weeriitap Saulo kong'etee Mahanaim koba Gibeon.

2 LAITORINIK 20:10

Ki mwa Hezekiah kole, “Kiit ne nyumnyum eng' urwet kwo tai tilutik taman, achicha. Ingoweek urwet kwo let tilutik taman.”

2 LAITORINIK 20:11

Ki riirchi maotyot `Isaiah Kamuktaindet ne Toroor: ak kiweech urwet kwo let tilutik taman, eng' che kiga korekto eng' kiit ne kirogendoe saisyek ne po Ahaz.

2 LAITORINIK 20:9

Ki mwa Isaiah kole, “Egu kii kaboorunet ne punu Kamuktaindet ne Toroor, ne iboorun kole yaei Kamuktaindet ne Toroor kiit ne kamwa: Wo urwet tai tilutik taman, anan wo let tilutik taman?”

1 ATEPTAP PEETUUSYEK 8:13

Beriah ak Shema, che ki kandoigap kooriigap kwanisyek che po piik che ki menyei Aijalon, che ki oon piik che ki menyei Gath.

2 ATEPTAP PEETUUSYEK 11:10

Sora, Aijalon ak Hebron. Chuuto nganasook che ng'ootaatiin che mi Judah ak Benjamin.

Kitabuutap JOB 9:7

Ne ng'atei asiista si ma chor; ak ko ng'oochei kecheik.

TIENWOGIKAL 148:3

Olasu ineendet, okweek asiista ak arawet; olasu ineendet, okweek kecheik tugul che oo po lapkeiyet.

TIENWOGIKAL 19:4

Itei kutinnywa ng'wony komugul, ak itei ng'aleekwak ole poochin ng'wony. Ki inde emait eng' chooto agobo asiista,

TIENWOGIKAL 74:16

Neng'ung' peetuut, ak neng'ung' kemout agine: Ki ichop tuguuk che iluu, ak asiista.

ISAIAH 28:21

Amu ng'eetei Kamuktaindet ne Toroor ko uu eng' tulweetap Perasim, nereechi ko uu eng' atebweetap Gibeon; si kobiit koyai poisyennyi, poisyennyi ne teer, ak kogees poisyennyi, poisyennyi ne teer.

ISAIAH 38:8

Keero, aweechi urwet ne po tilutik ne kagorekta kobooto asiista eng' kiit ne kirogendoe saisyek, ne po Ahaz, koweek kwo let tilutik taman. Kotogos anyun asiista tilutik taman eng' kioto kirogendoisye ne kagagorektae.”

ISAIAH 60:20

Ma kororoktoi asiistang'ung', ama komeei araweng'ung': amu egu Kamuktaindet ne Toroor lapkeiyeng'ung' ne po koigeny, ak kogeskei peetuusyegap riireguk.

JEREMIA 28:1

Ak eng' kenyinooto, eng' taunetap laitornatetap Zedekiah laitoryatap Judah, eng' kenyiit ne po ang'wan, eng' arawetap muut, kong'alaalwo Hananiah weeriitap Ashur, maotyot, ne ki po Gibeon, eng' kootap Kamuktaindet ne Toroor, eng' taitap tisiik ak piik tugul koleenjo,

AMOS 2:9

Ago ki abar Amorindet eng' tainnywa, ne ki aechin koindonyi ak taragonik, ak ki kiim ko uu keetiik che uueen; ak ki ang'em logoekyik eng' ole po parak, ak tigitikyik eng' ole po ng'wony.

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

HABAKUK 2:20

Ago mi Kamuktaindet ne Toroor hekalunnyi ne tiliil; ingosiis ng'wony komugul eng' tainnyi.

HABAKUK 3:11

Kitononso asiista ak arawet eng' meng'ootennywa, eng' lapkeiyetap kipchaboniguk kobendi, eng' kaluunetap ng'oting'ung' ne ilyeli.

SEKARIA 2:13

Osisye, okweek piik tugul eng' taitap Kamuktaindet ne Toroor; amu kagong'eet eng' meng'ootennyi ne tiliil.

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

JOSHUA 10:13

Ki tonon asiista ak kosiis arawet, kot koyaaktochigei mugetuut pororyet eng' puunikwak. Tos ma ki sirchi niito bukuitap Jasar? Ki tonon asiista mata kwo eng' kwenutap kipsengwet, ak mata kwo kochaakta kororokto ne tee peetuut komugul.

JOSHUA 19:42

Saalabin, Aijalon, Itla,

JOSHUA 21:24

Aijalon kobooto emotinwekyik che kiyagisye ak Gat-rimon kobooto emotinwekyik che kiyagisye. Tugul ko nganasook ang'wan.

KIRUOGIK 12:12

Kime Elon Sebulunindet agine ak ki kitupchi Aijalon eng' emetap Zebulun.

KIRUOGIK 5:20

Ki yai kecheik lugeet kong'etee kipsengwet, eng' ortinwekwak che torooreen ko ki pargei ak Sisera.

1 SAMUEL 12:18

Ki kuur anyun `Samuel Kamuktaindet ne Toroor, ak ki iyook `Kamuktaindet ne Toroor peetuunooto tuleet ak ropta. Ki iywei piik tugul Kamuktaindet ne Toroor ak Samuel miising'.

1 SAMUEL 14:31

Ki par Philistiik eng' peetuunooto kobooch Mikmas agoi Aijalon, ak kiga koam rubeet piik miising'.