JOEL 3:2 - Bukuit Ne Tilil

² ak amut icheek koba atebweetap Jehoshaphat; ak arwookyi icheek eng' olooto amu piikyuk ak amu porotennyu Israel, che ki koseerchi pororyosyek, ak kopchei emennyu.

BUKUIT NE TILIIL Sireet ne Dutero Kanon

² ak amut icheek koba atebweetap Jehoshaphat; ak arwookyi icheek eng' olooto amu piikyuk ak amu porotennyu Israel, che ki koseerchi pororyosyek, ak kopchei emennyu.

BUKUIT NE TILIL

² ak amut ichek koba atebwetab Jeosapat; ak aruokyi ichek eng’ oloto amu bikyuk ak amu borotennyu Israel, che kigoseerji bororiosiek, ak kopchei emennyu.

JOEL 3:2 Referencias Cruzadas

2 ATEPTAP PEETUUSYEK 20:26

Ki iyumjigei atebweetap Beraka eng' peetuutap ang'wan; amu eng' olooto ko ki ilas Kamuktaindet ne Toroor. Ki kiguure anyun kainetap yooto Atebweetap Beraka, agoi ra.

ISAIAH 66:16

Amu irwooksechin `Kamuktaindet ne Toroor piik tugul eng' maat ak eng' rotwennyi po chok: ak kochang'a che parei Kamuktaindet ne Toroor.

ISAIAH 66:18

Amu angen poisyonikwak ak kabwaatutikwak: nyoonei peetuut, ye ayumi pororyosyek tugul ak kutusweek tugul; ak kobwa ak kogeer toroornatennyu.

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 25:31

Itei polateet ole poochin ng'wony; amu poortos Kamuktaindet ne Toroor ak pororyosyek, irwooksechin `ineendet piik tugul; ak igoitoi kiptengeginik kebar eng' rotwetap chok, mwaei Kamuktaindet ne Toroor.

JEREMIA 49:1

Ng'aleegap lagogap Ammon: Mwaei Kamuktaindet ne Toroor kole: Tos ma tinyei Israel weeriik? Ma tinyei ne namei tuguukyik? Amu nee anyun si konam Malkam Gad kobunji, ak komeny piikyik nganasookyik?

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

EZEKIEL 25:8

Mwaei Kiptaiyat Kamuktaindet ne Toroor kole: Amu mwaei Moab ak Seir, kole, ogeero, uu kootap Judah pororyosyek tugul:

EZEKIEL 34:6

Ki ombenioti keechiirekyuk eng' tuloonook tugul, ak eng' tulweet age tugul ne kooi: ee, kiyesta keechiirekyuk koyom ng'wony tugul; ak ki ma komi chii ne ki cheeng'at anan kosubot icheek.

EZEKIEL 35:10

Amu ki imwa ile, Egu chechuuk pororyosyechu aeng'u ak emotinwechu aeng' ak kenam kobunjech; ago ki mi Kamuktaindet ne Toroor olooto:

EZEKIEL 36:1

Ee inyee, weeriitap chii, maotenji tuloonoogap Israel, ileenji ogas ng'olyootap Kamuktaindet ne Toroor, okweek tuloonoogap Israel.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

EZEKIEL 38:22

Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

EZEKIEL 39:11

Ak agoochini eng' peetuunooto Gog komosta ne kitupchin eng' Israel, atebweetap icheek che punei komostap kong'asiis ne po nyanjet: ak koger icheek che punei yooto: ak kotupchi olooto Gog ak piikyik che chaang' tugul: ak koguure yooto atebweetap Hamon-gog.

JOEL 3:12

Ingong'eetkei pororyosyek, ak kobwa atebweetap Jehoshaphat: amu atebye eng' olooto ak arwookyi pororyosyek tugul che mi komoswek tugul.

JOEL 3:14

Piik che chaang', piik che chaang' che mi atebweet ne kitilee ng'aleek! Amu kagoriikyi peetuutap Kamuktaindet ne Toroor eng' atebweet ne kitile ng'aleek.

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

MIKAH 4:12

Ago ma naei kabwaatutigap Kamuktaindet ne Toroor, ama iguitos kirwoogennyi; amu ki koyum icheek ko uu ye kiyumjin ratuutigap peek rwanyut ne kiboorsee.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

NG'ANG'UTYET 16:16

Ak koyum icheek eng' ole kiguure Har-Magedon eng' kutitap Yahudik.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 20:8

ak komong' koberber pororyosyek che miitei luukwek ang'wan che po ng'wony, Gog ak Magog, koyumji icheek lugeet; che tee koiitennywa ng'aniegap nyanjet.