JOEL 2:12 - Bukuit Ne Tilil

¹² Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

BUKUIT NE TILIIL Sireet ne Dutero Kanon

¹² Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

BUKUIT NE TILIL

¹² Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

JOEL 2:12 Referencias Cruzadas

2 SAMUEL 24:10

Ki aragen miising' Daudi eng' muguleldanyi ye kingo kagoiit piik. Ki leenji anyun `Daudi Kamuktaindet ne Toroor, “Ki ayai tengekto ne oo eng' kioto koayai, ago asoomin ale iste anyun tengektap otwogindeng'ung', ee Kamuktaindet ne Toroor, amu ki ayai eng' perberyo ne oo.”

2 ATEPTAP PEETUUSYEK 30:6

Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

2 ATEPTAP PEETUUSYEK 6:27

kaigai kas anyun eng' kipsengwet, ak inyochi kaat otwogiguk eng' tengektonywa, ak ne po piiguk Israel. Ineet icheek ooreet ne myee ne nyolu kobendatee, ak iyookyi ropta emeng'ung' ne ki igoochi piiguk koek porotennywa.”

ESTA 4:16

ui iyum Yahudik tugul che miitei Susa, ak orugutkei agobo anee amat oam kiy anan oeeise eng' peetuusyek somok, kemoi anan peet. Arugutigei agane ko uu nooto kobooto tiibiikyuk. Ye ibata, awe anyun ole mi laitoryat nganda ma chamdaat eng' ng'atuutyet; ngalus, alus.

KOMONG'U 33:5

Ki leenji `Kamuktaindet ne Toroor Musa, “Mwachi piigap Israel leenjin, oo piik che uueen kaat, ngot awe atogoste kobootok ko ne matya, abarook ageeswok. Ara anyun oreegu tuguukwok che po lele si kobiit ageer kiit ne ayaiywok.”

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

ISAIAH 58:4

Ogeero, orugutige agobo pooryeet ak suryet, ak olugisye yaityet: morugutige eng' peetuuni si kegas kuting'wong' eng' ole po parak.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

DANIEL 9:3

Ki atokyigei Kiptaiyat Kamuktaindet, ale acheeng' ineendet eng' saaet ak soomutik kobooto karugutetapkei ak kalaagetap kuiniok ak eng' oreek.

HOSEA 12:6

Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

HOSEA 12:7

Chemung'araindet ineendet, mi eunnyi tuguugap lembech che kegerisye che po ng'aalseet: chamei kochiile piich.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

SEKARIA 7:3

ak kong'alaalji tisiigap kootap Kamuktaindet ne Toroor ne po lugoosyek ak maotik, koleenji, “Tos kanyaljo ariir eng' arawet ne po muut, atabaangei, ko uu ye ki ayai eng' kenyisyechu chaang' kot?”

SEKARIA 7:5

ng'alaalji piik tugul che po emet ak tisiik, ileenji ye kingo rugutkei ak oriirye eng' arawetap muut ak ne po tisap, eng' kenyisyechooto tamanwogik tisap, ko tos ki orugutkei agobo anee, aneendet?

MALAKI 1:9

Asoomok anyun ale, osoom chametap Kamuktaindet si kobiit korirenech. Ye ogoonu chooto kobun eunekwok, ko tos taach age eng' okweek ye keer? Mwaei Kamuktaindet ne Toroor ne po lugoosyek.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

KIRUOGIK 2:4

Kingo kagomwachi malaikaiyatap Kamuktaindet ne Toroor ng'aleechu lagok tugul che po Israel, kowaakyo ak koriiryo miising'.

KIRUOGIK 20:26

Yeityo kotogosta lagok tugul che po Israel, ak piik tugul agoi koit Bethel. Ki riiryo, ak kotebi ng'wony eng' taitap Kamuktaindet ne Toroor, ak korugutkei peetuunooto agoi koskoleny, ak ki igoito kagoochinoik che kibeelei ak kagoochinoigap kaalyeet eng' taitap Kamuktaindet ne Toroor.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”

1 SAMUEL 7:6

Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.