JEREMIA 3:1 - Bukuit Ne Tilil

¹ Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹ Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

BUKUIT NE TILIL

¹ Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 3:1 Referencias Cruzadas

TIENWOGIKAL 106:38

Kitumda korotiik che ma tinyei tengek, korotiigap weeriikwak ak tiibiikwak, che ki igoochi kanamonigap Kanaan koek tiseiywek; ak ki king'wanit emet eng' korotiik.

ISAIAH 24:5

Ki kimurwon ng'wony amu piik che menyei; amu ki kobistoe ng'atuutik, ki kowal kirwoogutik, ki kobut kayomiset ne po koigeny.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 2:23

Imuktoi ano anyun ile, “Ma aa murwoon, ma asup Baalik”? Keer oreng'ung' eng' atebweet, nai kiit ne kaiyai. Ii moitap tambeesyet ne chepchep ne isubi ortinwekyik,

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 22:20

Togoste Lebanon, ak iriir; ak iwaach eng' Bashan: ak iriir eng' Abarim; amu kagobar chamaniguk tugul.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 3:9

Ee iman, ki komurwon emet eng' kugoinatennyi ne po tangoi, ko uu ye ki ipkei ak koik ak subenik.

JEREMIA 31:22

Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

RIREKAB JEREMIA 1:2

Riirei miising' kemoi, ak korang'ugei peegap kong' eng' matang'wekyik. Ma mi agot agenge ne igoigoi ineendet eng' chamanikyik tugul. Ki koberber choronokyik tugul ineendet, ki koek puunikyik.

EZEKIEL 16:26

Ki iyai kogeny kugoinatet kobooto Misiriik, piigap kokweng'ung', piigap poorto; ak ki ites kugoinateng'ung', itacha.

EZEKIEL 16:30

Nyalulat ne tya muguleldang'ung', mwaei Kiptaiyat Kamuktaindet ne Toroor, amu iyae tuguuchuuto tugul, poisyetap chepkugoniot ne pou piik;

EZEKIEL 16:35

Kas anyun, ee chepkugoniondoni, ng'olyootap Kamuktaindet ne Toroor:

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

HOSEA 1:2

Ye kingo ng'alaalji `Kamuktaindet ne Toroor Hosea eng' tai, koleenji `Kamuktaindet ne Toroor Hosea, “Ui imutyigei chepkugoniot koek osotyong'ung', ak lagogap kugoinatet, amu yaei emet kugoinatet ne oo kometoi Kamuktaindet ne Toroor.”

HOSEA 2:2

Oteechi kamenng'ung', oteechi amu ineendet koma ko osotyonnyu, ama aa manong'otyonnyi. Ingometo kugoinatosyekyik che mi togeennyi, ak ingometo ibeetapkei nooto mi tegeennyi.

MIKAH 2:10

Ong'eetyee, ak obe; amu ma olito ole omuung'e: amu murwoonindo ne ng'emisyei, ee, ng'emisyet ne ya kot.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

MATAYO 5:31

Ki kimwa kogeny keele age tugul ne oonei osotyonnyi, ko ingogoochi anyun sireet ne po peesyet.

NG'ATUTIK 22:21

kimut anyun chebooto agoi kurgeetap kootap kwandanyi ak kolage ineendet koik murenigap nganasennyi kot kome. Amu ki yai abusnateet eng' Israel, amu ki yai kugoinatet eng' kootap kwandanyi. Iste anyun ko uu nooto yaityet eng' kwenung'ung'.

KIRUOGIK 19:2

Ki yai kugoinatet chebaigeiyandennyi kosas ineendet, ak ki pagaakta ineendet kwo kootap kwandanyi eng' Beth-lehem-juda, ak ki tebee olooto arawek ang'wan.