JEREMIA 2:8 - Bukuit Ne Tilil

⁸ Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

BUKUIT NE TILIIL Sireet ne Dutero Kanon

⁸ Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

BUKUIT NE TILIL

⁸ Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 2:8 Referencias Cruzadas

1 LAITORINIK 18:22

Koleenji anyun Elijah piik, “Anee, aneege kityo, maotyotap Kamuktaindet ne Toroor ne aa ng'etunot; ago maotigap Baal ko pogol ang'wan ak konom.

1 LAITORINIK 18:29

Kingo week asiis komaotenso agoi sait ne kigoitoe kagoochinet; ago ki ma piit tweguuno, anan ko chii age tugul ne wolu, anan ko chii age tugul ne kasei.

1 LAITORINIK 18:40

Ki leenji `Elijah icheek, “Onam maotigap Baal; amat ongochilil agot agenge!” Ki nam anyun icheek, ak komut `Elijah kochoorchigei kererutap Kison, ak kobarchi yooto.

Kitabuutap JOB 35:10

Ago ma mi ne mwaei kole, ‘Mi ano Kamuktaindet Yaindennyu, ne koonu tyenwogik kemoi,

ISAIAH 28:7

Ago ki kochiliil chuuto ak icheek amu divaik, ak ki komaasta amu maiyek; ki kochiliil tisiindet ak maotyot amu maiyek, ki komaaluuch divaik icheek, ki komaasta amu maiyek; ichiliili eng' ng'ang'utyet, ibutos eng' kirwooget.

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 30:5

Ililandos tugul agobo piik che ma imuuchi konyoorunee kiy, che ma toreteet, anan ko kelunet, ago egu kalilanet ak chotisyet.

JEREMIA 10:21

Amu kigoigei mestoweek tyong'ik, amata koteepse `icheek Kamuktaindet ne Toroor. Amu nooro, ko mata konyoor anyun kaberuret, ak kagiyesta keechiirekwak tugul.

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 2:6

Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

JEREMIA 7:8

Ago ogeero, omang'u okweek ng'aleegap lembech che ma imuuchi kogoonok kelunet age tugul.

JEREMIA 9:14

Ago kibendatee uuindap mugulelwekwak ak koosup Baalik, che ki ineeti kwanisyekwak.

EZEKIEL 22:26

Ki kobut tisiikyik ng'atuutyennyu, ak komurwon tuguukyuk che tiliileen: ma ibesyo che tiliileen ak che ma tiliileen, ama ineet piik koguiyo tuguuk che ma ianyinyotin ak che ianyinyotin, ak ki kotuch konyekwak si ma keer sabatosyekyuk, ak ki king'wanita eng' kwenunnywa.

EZEKIEL 34:2

Ee, weeriitap chii, maoten agobo mestowegap Israel, maoten, ak ileenji mestowechooto, Mwaei Kiptaiyat Kamuktaindet ne Toroor kole: Pwo! Mestowegap Israel che paegei amitwogik icheegei! Tos ma nyooljin mestoweek kobai keechiirek?

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

HABAKUK 2:18

Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

MATAYO 16:26

Keljino nee ne nyooru chii, ngo nyoor ng'wony komugul, ak kobeet saboondanyi? Anan tos igoito nee chii kowale saboondanyi?

LUKA 11:52

“Pwo eng' okweek ng'amotigap ng'atuutik! Amu ki oip yaateiwot ne po ng'omnateet ama obe oriit okweeget, ak ki oger che kita mong'jin.”

JOHANA 16:3

Ak yaei tuguuchu, amu ma nai Kwanda, anan anee.

JOHANA 8:55

ak tomo onai ineendet. Ago angen ineendet; ak ngot amwa ale, mangen ineendet, aegu kiplembechwa, ko uu okweek: ago angen ineendet ak ariibe ng'olyoondennyi.

2 KORINTOEK 4:2

ago kigeeesye tuguuk che ung'ootiin che po kalilanet, ama kibendoti eng' ng'aalseet, anan keboisyee ng'olyootap Kamuktaindet eng' kaberberisyet; ago eng' kabartaetap imanit, kiboorchinigei kabwaatetap chii age tugul eng' taitap Kamuktaindet.

NG'ATUTIK 33:10

Ineeti Jakobo kirwoogutiguk, Ak koneeti Israel ng'atuutyeng'ung': Indoi taing'ung' nyamdutik che kibeelei, Ak konde kagoochinet ne kibeelei komugul kaptisisyeng'ung'.

1 SAMUEL 12:21

Momaste osup tuguugap puch che ma imuuchi kotoret kiy anan kosar amu puch.

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.