JEREMIA 2:11 - Bukuit Ne Tilil

¹¹ Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

BUKUIT NE TILIIL Sireet ne Dutero Kanon

¹¹ Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

BUKUIT NE TILIL

¹¹ Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

JEREMIA 2:11 Referencias Cruzadas

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

2 LAITORINIK 1:3

Ago ki leenji malaikaiyatap Kamuktaindet ne Toroor Elijah Tisbindet, “Ng'eet ak iwe otuiye ak piik che kaiyookto laitoryatap Samaria, ak ileenji icheek, ‘Si obe oteepse Baal-sebub kanamwetap Ekron, ko amu ma mi Kamuktaindet Israel?’

2 ATEPTAP PEETUUSYEK 13:9

Tos ma oonu tisiigap Kamuktaindet ne Toroor, weeriigap Aron, ak Lawiik, ak olewenjigei tisiik, osubi pitonwegap piigap emotinwek alak? Si age tugul ne nyoonei koanyinyegei kirgit anan mengichik tisap, koegu nooto tisiindetap tuguuk che ma tilei kiy.

TIENWOGIKAL 106:20

Ki wal anyun telunatennywa kogergeit ak eito ne ageti.

TIENWOGIKAL 115:4

Po fedha ak thahabu kanamonikwak, poisyetap eunegap piik.

TIENWOGIKAL 3:3

Ago inyee, ee Kamuktaindet ne Toroor, ko ii long'eet ne mi komoswek tugul eng' anee; ii teegistanyu ak ii tiindetap metinnyu.

ISAIAH 37:19

ak ki kowiirchi ma kanamonikwak: amu ki ma ko kamuktaik, ago kiboisyetap eunegap piik, keetit ak koik; king'em anyun icheek tuguuchooto amu nooto.

JEREMIA 16:20

Tos yachingei chiito kanamonik, che ma kamuktaik?

JEREMIA 18:13

Mwaei anyun Kamuktaindet ne Toroor kole: Oteebate pororyosyek, oleenji, ng'oo ne ki kogasei ng'aleek che uu chu; ki yai pergeiyatap Israel kiit ne samis miising'.

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

EZEKIEL 5:7

Mwaei anyun Kiptaiyat Kamuktaindet ne Toroor kole: Amu oo piik che wasegei kosiir pororyosyek che mi komoswekwok, ama obendate ng'atuutikyuk, ama oriip kirwoogutikyuk, ama osup ng'atuutigap pororyosyek che mi komoswekwok;

MIKAH 4:5

Amu wendoti pororyet age tugul eng' kainetap kamuktaindennyi, ak kibendotee acheek kainetap Kamuktaindet ne Toroor Kamuktaindennyo koigeny ak koigeny.

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

NG'ATUTIK 32:16

Ki igoochi koam ng'etkonda amu kamuktaik che teer, kitach eng' kanamonik che kiwechei.

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.

NG'ATUTIK 33:29

Ee Israel, igasigei: Ogergei ak ng'oo, pororyet ne ki sar Kamuktaindet ne Toroor? Ineendet ne long'eet ne toretin, ak ko rotweng'ung' po chok, ne po telunateng'ung'! Yaigei puuniguk koigei che kase iit, si ityech oldinwekwak che sutotin.”

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

1 SAMUEL 4:21

Kiguure lakwanooto Ikabod koboor kole kagoistogei toroornatet eng' Israel, amu kageip moingetap Kamuktaindet, ak amu meetap kwandap manong'otyondennyi ak ne po manong'otyondennyi.