ISAIAH 26:4 - Bukuit Ne Tilil

⁴ Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

BUKUIT NE TILIIL Sireet ne Dutero Kanon

⁴ Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

BUKUIT NE TILIL

⁴ Omang’u Jehovah koigeny: amu mi eng’ Jehovah JEHOVAH ruandet ne bo koigeny.

ISAIAH 26:4 Referencias Cruzadas

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

Kitabuutap JOB 9:19

Ngeng'alaal agobo kabeletapkei, ko kiim inee, ak ngot ko kiy ne po kirwook, ko ng'oo ne chobwa peetuut?

TIENWOGIKAL 125:1

Uu icheek che imang'u Kamuktaindet ne Toroor Tulweetap Zion, ne ma kimuuchi keisto, ago tebyei koigeny.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 55:22

Ituuchi Kamuktaindet ne Toroor nyigiisindang'ung', si kotiin; ma koi cham ineendet keisto ne po imanda.

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

TIENWOGIKAL 62:9

Iman puch piik che nyerootiin, ak kiplembechonik piik che taagunotiin. Ma ing'eeti kiit ne kigeeree nyigiisindo, wisisen icheek tugul kosiir kabuuset.

TIENWOGIKAL 66:7

Laitorani koigeny eng' kamuktaennyi; Keerei konyekyik pororyosyek: Amat koeetkei ngelelik.

TIENWOGIKAL 93:1

Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 17:10

Amu kiutye Kamuktaindetap yetuneng'ung', ama ibwaat rwandetap kimnateng'ung'; igoole anyun keetiik che korooron, ak keetiik alak che teer;

ISAIAH 30:29

Onyooru tyendo ko uu eng' kemout ye kiyaei igoorto ne tiliil; ak kagasetapkei ne po muguleldo, ko uu ye ibei chiito ndurerut si kwo tulweetap Kamuktaindet ne Toroor, agoi Rwandetap Israel.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 51:5

Neegit imandanyu, kamong' yetunennyu, ak korwookyi piik eunekyuk; igeno ngeguusyek, ak komang'u eunnyu.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

DANIEL 3:17

Ngot ko uu nooto, komuuchi Kamuktaindennyo ne keote kosarwech eng' maat ne oo ne lalei miising'; ak kosarwech ineendet eng' eung'ung', ee laitoryat.

DANIEL 3:28

Kong'alaal anyun Nebukadnezar komwa kole iberuurot Kamuktaindetap Shadrak, Meshak ak Abed-nego, ne kagoyok malaikaiyandennyi ak kosar otwogikyik che koimang'u ineendet. Kogobistoe `icheek ng'olyootap laitoryat, ak kogoito poorwekwak si ma oot anan kolas kamuktain age tugul kobatee Kamuktaindennywa ineegei.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

PILIPIK 4:13

Amuuchi ayai tuguuk tugul eng' ineendet ne igimita.

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.