ISAIAH 26:3 - Bukuit Ne Tilil

³ Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

BUKUIT NE TILIIL Sireet ne Dutero Kanon

³ Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

BUKUIT NE TILIL

³ Iribe inendet kotebe kalyet ne igesunotgei, inendet ne tiienengei kabwautuikyik: amu imang’un.

ISAIAH 26:3 Referencias Cruzadas

1 ATEPTAP PEETUUSYEK 5:20

Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

2 ATEPTAP PEETUUSYEK 13:18

Ki kiming'in ko uu nooto piigap Israel eng' peetuusyechooto, ak ki iterteeris lagogap Judah amu kitiegei Kamuktaindet ne Toroor, Kamuktaindetap kwanisyekwak.

2 ATEPTAP PEETUUSYEK 16:8

Tos ki ma ko lugeet ne oo Ethiopik ak piigap Libya, che ki tinyei kariisyek ak piik che chaang' miising' che ki laanyei paraisisyek? Ko amu ki itiegei Kamuktaindet ne Toroor, ko ki inde ineendet icheek eung'ung'.

TIENWOGIKAL 119:165

Tinyei kaalyeet ne oo che chamei ng'atuutyeng'ung'; ama mi kiy ne inachi icheek.

TIENWOGIKAL 125:1

Uu icheek che imang'u Kamuktaindet ne Toroor Tulweetap Zion, ne ma kimuuchi keisto, ago tebyei koigeny.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 26:12

Inyee Kamuktaindet ne Toroor ne ing'atwech kaalyeet amu inyee ne ki iyaiywech kogeny poisyonikyok tugul.

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 32:18

Ak kotebee piikyuk meng'ootetap kaalyeet, eng' meng'otosyek che riibootin, ak eng' komoswek che kimuung'e ole siisaat.

ISAIAH 42:19

Ng'oo ne koraat, kobatee otwogindennyu? Anan ng'oo ne miing'at ko uu kayooktoinnyu ne ayooktoi? Ng'oo ne koraat ko uu ineendet ne kiting'egei kaalyeet, ak ko koraat ko uu otwogindetap Kamuktaindet ne Toroor?

ISAIAH 42:6

Ki aguurin, anee Kamuktaindet ne Toroor eng' imanda, ak anam eung'ung' ak ariibin, ak agoonin iegu arorutyetap piik, iegu lapkeiyetap Pororyosyek;

ISAIAH 48:2

Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 50:1

Mwaei Kamuktaindet ne Toroor kole, mi ano parweetap pesyetap kamenng'ung', ne ki aoone ineendet? Anan ki aaldachok ng'oo ne yaacha? Ki kialdak amu yaitwogikwok, ak ki kioon kamenng'ung' amu pistaosyekwok.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 66:12

Amu mwaei Kamuktaindet ne Toroor kole ogeero, atesyini kaalyeet ko uu aineet, ak atesyi toroornatetap pororyosyek ko uu kereruut ne ing'irtogei, ak ochuchun; ki isyinok usia, ak ketinyok kigaigaak.

JEREMIA 39:18

Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

DANIEL 3:17

Ngot ko uu nooto, komuuchi Kamuktaindennyo ne keote kosarwech eng' maat ne oo ne lalei miising'; ak kosarwech ineendet eng' eung'ung', ee laitoryat.

DANIEL 3:28

Kong'alaal anyun Nebukadnezar komwa kole iberuurot Kamuktaindetap Shadrak, Meshak ak Abed-nego, ne kagoyok malaikaiyandennyi ak kosar otwogikyik che koimang'u ineendet. Kogobistoe `icheek ng'olyootap laitoryat, ak kogoito poorwekwak si ma oot anan kolas kamuktain age tugul kobatee Kamuktaindennywa ineegei.

DANIEL 6:23

Ki paibait anyun laitoryat miising', ak kong'at kole kegonop Daniel eng' keriinget. Ki kigonop anyun Daniel eng' keriinget, ama kinyoor ole koam kiy eng' poortanyi, amu ki imang'u Kamuktaindennyi.

MIKAH 5:5

Egu chiichito kalyennyo ye tuun kait Assyrianindet emennyo, ak ye tuun katyech kooriikyok che po laitoryat, ko tuun king'eeti anyun mestoweek tisap ak piik sisiit che eecheen kobargei ak ineendet.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.