HOSEA 2:7 - Bukuit Ne Tilil

⁷ Isubi chamanikyik ko uu kotugul, ago ma nyooru icheek; ak cheeng'ei icheek, ago ma nyooru. Yeityo anyun komwa kole, awendi ak aweekyigei manong'otyonnnyu ne po tai amu ki agaigai eng' peetuusyechooto kosiir nguno.

BUKUIT NE TILIIL Sireet ne Dutero Kanon

⁷ Isubi chamanikyik ko uu kotugul, ago ma nyooru icheek; ak cheeng'ei icheek, ago ma nyooru. Yeityo anyun komwa kole, awendi ak aweekyigei manong'otyonnnyu ne po tai amu ki agaigai eng' peetuusyechooto kosiir nguno.

BUKUIT NE TILIL

⁷ Ak kosubot chamanikyik, ago manyoru ichek; ak kocheng’ ichek, ago manyoru: yeityo komwa kole, Kaweekyige manong’otiondennyu ne bo tai; amu kiagaigai eng’ betusiechoto kosiir nguno.

HOSEA 2:7 Referencias Cruzadas

2 ATEPTAP PEETUUSYEK 28:23

Amu kieng'ji tiseiywek kamuktaigap Damasko, che kibar ineendet; ak ki le, “Amu toreti kamuktaigap laitorinigap Syria icheek, aeng'jini anyun agane icheek, si kobiit kotoreta.” Ago ki ek chooto che king'em ineendet ak Israel tugul.

TIENWOGIKAL 116:7

Iweekyigei kamuung'eng'ung', ee saboondanyu; amu kagoyaun Kamuktaindet ne Toroor eng' aiyebindo.

ISAIAH 30:16

ak ki omwa ole, “Achicha! Ki mwee paraisisyek;” ko uu nooto omweei anyun; ak ki ole, “Kilaanye che chepchep;” chepchebitu anyun ak icheek che onok.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 2:28

Mi ano kanamonik, che ki iyachigei? Ingong'eetyo icheek, ngot komuuchi kosaruun eng' peetuusyegap nyalildang'ung'. Amu ko uu ole tee koitetap nganasoguk, ko uu nooto kanamoniguk, ee Judah.

JEREMIA 2:36

Amu nee si iombenote, iwalawali pandang'ung'? Kigoonin ililan agobo Misiri, ko uu ye ki kigoonin ililan agobo Assyria.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 31:18

Koagas iman koteechingei Ephraim, koleen, Ki itigoono, ak ki atigoonage: ko uu moita ne tomo konai chogit: welela, si awelelok; amu ii Kamuktaindet ne Toroor Kamuktaindennyu.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 44:17

Ago kiyae iman ng'olyoot age tugul ne kagemwa, keele kibeeljini nyamdutik laitoryatap kipsengwet, ne kwondo, ak keroong'jini ineendet kagoochinoik che kieei, ko uu ye ki keyai, acheek ak kwanisyekyok ak laitorinikyok, ak pounikyok, eng' nganasoogap Judah, ak eng' ortinwek che po Jerusalem: amu ki kitinye eng' peetuusyechooto amitwogik che chaang', ak ki kichamegei, ama ki keer yeityo.

EZEKIEL 16:18

ak ki ip ngoroiguk che ki kinde lelesta, ak ituge tuguuchooto, ak ki inde tainnywa mwanikyuk ak nyamdutikyuk che kibeelei.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

EZEKIEL 20:32

ak ma piitu agot kitigin nooto obwaati; amu omwae ole, “Kigergeitu ak pororyosyek, ak kergeitu ak ortinwegap emotinwek, keoot keetiik ak koik.”

EZEKIEL 23:12

Ki cham miising' piigap Assyria, che ki kirwoogik ak pounik, piigap kokwennyi, che ki ilaachigei miising', murenik che ketei paraisisyek, murenik tugul che ki chamei.

EZEKIEL 23:22

Ara anyun, ee Oholibah, mwaei Kiptaiyat Kamuktaindet ne Toroor kole: Keero, ang'eetyinin chamaniguk, che ki kotoiyegei saboondang'ung', ak amutu icheek kobwonjin eng' komosta age tugul;

EZEKIEL 23:4

Kainaikwak ko ki Oholah, ne oo, ak Oholibah, chepkamet: ak kibunjo, ak ki sich weeriik ak tiibiik. Ak ki uu ni kainaikwak, Samaria ko Oholah, ak Jerusalem ko Oholibah.

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 5:21

Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

HOSEA 1:2

Ye kingo ng'alaalji `Kamuktaindet ne Toroor Hosea eng' tai, koleenji `Kamuktaindet ne Toroor Hosea, “Ui imutyigei chepkugoniot koek osotyong'ung', ak lagogap kugoinatet, amu yaei emet kugoinatet ne oo kometoi Kamuktaindet ne Toroor.”

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 2:16

Iguureno eng' peetuunooto “Manong'otyonnyu,” mwaei Kamuktaindet ne Toroor; ma iguureno Baal.

HOSEA 5:13

Kingo keer Ephraim myandanyi, ak kogeer Judah mookyik, ko ki wo anyun Ephraim Assyria, ak koyookto keguur laitoryat Jareb. Ago ma imuuchi kosoobok, amainyaiywok mookwok.

HOSEA 5:15

Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.