DANIEL 9:19 - Bukuit Ne Tilil

¹⁹ Ee Kiptaiyat, kas; ee Kiptaiyat, nyochi kaat; ee Kiptaiyat, kas ak iyai ak amegagei! Agobo kaineng'ung', ee Kamuktaindennyu, amu kimwaitoe kaineng'ung' nganaseng'ung' ak piiguk.

BUKUIT NE TILIL

¹⁹ Ee Kiptaiyat, kas; ee Kiptaiyat, nyochi kaat; ee Kiptaiyat, kas ak iyai; amegage; agobo kaineng’ung’, ee Kamuktaindennyu, amu kimwaitoe kaineng’ung’ nganaseng’ung’ ak biguk.

DANIEL 9:19 Referencias Cruzadas

2 ATEPTAP PEETUUSYEK 6:21

Ak igas soomutigap otwogindeng'ung' ak piiguk Israel, ye saaei kotokyingei yuto. Ee kas anyun eng' ole imenye eng' kipsengwet; ak ye igas, inyochi kaat.

2 ATEPTAP PEETUUSYEK 6:39

igas anyun eng' kipsengwet eng' oldang'ung' ole imenye, saaennywa ak soomutikwak, iyachi anyun icheek kiit ne machei ak inyochi kaat piiguk che ki koyaun tengekto.”

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 25:29

Amu, ogeero, atau ayae yaityet eng' nganaseet ne kimwaitoe kainennyu, ko tos otebi ama kibirok iman? Mochilile pireet: amu aguurchini rotwetap chok piik tugul che menyei ng'wony, mwaei Kamuktaindet ne Toroor ne po lugoosyek.

EZEKIEL 20:14

Ago ki aboisye anyun kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:22

Ago ki aiste eunnyu, ki aboisye amu kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

EZEKIEL 36:22

Mwachi anyun kootap Israel ileenji, mwaei Kiptaiyat Kamuktaindet ne Toroor kole: Ma yae niito agobo okweek ee kootap Israel, ago ayae agobo kainennyu ne tiliil, ne ki omurwon eng' pororyosyek che ki obe.

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

DANIEL 9:18

Ee Kamuktaindennyu, ep iit ak igas. Tokyi konyeguk ak igeer panandanyo ak nganaseet ne kimwaitoe kaineng'ung'. Ma kiibu soomutikyok kobwa taing'ung' amu imandanyo, ago amu rireenosyeguk che eecheen.

AMOS 7:2

Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

KAITOSYEK 14:19

Asaain ale nyochi kaat anyun pichu tengektonywa ko uu ooindap rireeneng'ung' ak ko uu ye ki inyochigaat pichu kobooch Misiri agoi kora.”

KAITOSYEK 6:27

“Indoi kainennyu piigap Israel, ak aberuur icheek.”

LUKA 11:8

Amwaiwok ale, agot ngo ma ng'eet kogoochi, amu chorwennyi, ko amu soomsennyi ko nooto ne igoochin kong'eet kogoochi kiy tugul ne machei.

POISYONIGAP CHE KIYOKTOI 15:17

si kocheeng' piik che ng'etunotiin Kiptaiyat, ak Pororyosyek tugul che kiguurtoe kainennyu.

EPESOEK 1:12

si kobiit keegu kalasunetap toroornatennyi, acheek che kiga kisip kimang'u Kristo.

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,