DANIEL 9:18 - Bukuit Ne Tilil

¹⁸ Ee Kamuktaindennyu, ep iit ak igas. Tokyi konyeguk ak igeer panandanyo ak nganaseet ne kimwaitoe kaineng'ung'. Ma kiibu soomutikyok kobwa taing'ung' amu imandanyo, ago amu rireenosyeguk che eecheen.

BUKUIT NE TILIL

¹⁸ Ee Kamuktaindennyu, eb it ak igas; tokyi konyeguk, ak igeer banandanyo, ak nganaset ne kimwaitoe kaineng’ung’: amu ma kiibu somutikyok kobwa taing’ung’ amu imandanyo, ago amu rirenosieguk che eechen.

DANIEL 9:18 Referencias Cruzadas

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

2 LAITORINIK 19:16

Ee Kamuktaindet ne Toroor, ep iit ak igas, yaat konyeguk ak igeer, kas ng'aleegap Sennacherib, che kaiyogune chiito konyo kochot Kamuktaindet ne Toroor ne sabei.

TIENWOGIKAL 116:1

Achame Kamuktaindet ne Toroor amu ki kogas tweguunennyi ak soomutikyuk.

TIENWOGIKAL 25:6

Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny.

KOMONG'U 3:7

Ki leenji Kamuktaindet ne Toroor; “Koageer iman nyalilwogigap piikyuk che mi Misiri, koagas riirekwak amu chemogenik che usausi icheek ak angen ng'wanindanywa.

ISAIAH 37:17

Ep iit, ee Kamuktaindet ne Toroor, ak igeer; ak kas ng'aleek tugul che po Sennacherib, che kagoyok kochote Kamuktaindet ne sabei.

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 64:12

Ee Kamuktaindet ne Toroor, tos ta iranyegei eng' tuguuchooto? Tos isise, ak inyalilech miising'?

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 15:16

Kingo piit ng'aleeguk, aam, ak ki ek ng'aleeguk eng' anee poiboiyet ak kagasetapkei ne po muguleldanyu. Amu kimwaitoena kaineng'ung', ee Kamuktaindet ne po Toroornatet ne po lugoosyek.

JEREMIA 25:29

Amu, ogeero, atau ayae yaityet eng' nganaseet ne kimwaitoe kainennyu, ko tos otebi ama kibirok iman? Mochilile pireet: amu aguurchini rotwetap chok piik tugul che menyei ng'wony, mwaei Kamuktaindet ne Toroor ne po lugoosyek.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 37:20

Asaain anyun, ee kiptaiyandennyu laitoryat, ale, kaswa soomennyu; asaain ale ameweekyo kootap Jonathan siriindet, si ma meechi olooto.

EZEKIEL 36:22

Mwachi anyun kootap Israel ileenji, mwaei Kiptaiyat Kamuktaindet ne Toroor kole: Ma yae niito agobo okweek ee kootap Israel, ago ayae agobo kainennyu ne tiliil, ne ki omurwon eng' pororyosyek che ki obe.

EZEKIEL 36:32

Ma yae niito amu okweek, mwaei Kiptaiyat Kamuktaindet ne Toroor, ingonaak ng'olyoondoni eng' okweek: olilanse, ak otoptobense amu ortinwekwok, ee kootap Israel.

DANIEL 9:7

Ee Kiptaiyat, neng'ung' imanda, ago nenyo kalilanet, ko uu ra, kobooto piigap Judah, ak piik che menyei Jerusalem ak Israel tugul, che neegit ak che mi ole loo, eng' emotinwek tugul ole ki ionji, amu chalwoktanywa ne ki koyaun.

KAITOSYEK 6:27

“Indoi kainennyu piigap Israel, ak aberuur icheek.”

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.