DANIEL 9:16 - Bukuit Ne Tilil

¹⁶ Ee Kiptaiyat, asaain ale ko uu eng' imandang'ung' tugul ko ingoistoegei nereegeguk ak nereegeguk che ng'woneen, nganaseng'ung' Jerusalem, tulweeng'ung' ne tiliil; amu tengekwogikyok ak amu yaitwogigap kwanisyekyok ko ki koek Jerusalem kobooto piiguk che kichotei eng' tugul che miitei komoswek tugul.

BUKUIT NE TILIL

¹⁶ Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

DANIEL 9:16 Referencias Cruzadas

NEEMIA 9:8

Ki igeer ile po iman muguleldanyi eng' taing'ung', ak oyomiskei ak ineendet igoochi ineendet emetap kanaanindet, Hitindet, Amorindet, Perisindet, Jebusindet ak Girgasindet, igoochi emonooto iyotennyi ak kaiyai ng'aleeguk kosulda, amu ii po iman.

TIENWOGIKAL 143:1

Kas saaennyu, ee Kamuktaindet ne Toroor! Epchi iit soomutikyuk, wolwo eng' imandang'ung' ak lititindang'ung'.

TIENWOGIKAL 31:1

Amang'un inyee, ee Kamuktaindet ne Toroor, ameng' alilan agoi; sarwo eng' imandang'ung'.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 71:2

Sarwo eng' imandang'ung', ak ieta; epcha iit ak isarwo.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

TIENWOGIKAL 85:4

Weekyeige, Kamuktaindetap yetunennyo. Ak ingosiisyo nereegeguk che tokyineigei.

TIENWOGIKAL 89:51

Nooto ne ki kogerisye kong' puuniguk, ee Kamuktaindet ne Toroor, Che ki kogerate kong' kakwautigap neng'ung' ne iilaat.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 32:31

Amu ki koek eng' anee nganasani tagisyetap nereeknatennyu ak ne po nereegekyuk che ng'woneen kobooch peetuut ne kiteechei icheek agoi rani; kot aiste eng' tainnyu,

JEREMIA 32:32

amu yaityet tugul ne po piigap Israel ak ne po lagogap Judah, che ki koyai kotagena anereech, icheek, laitorinikwak, pounikwak, tisiikwak, ak maotikwak, ak piigap Judah, ak piik che menyei Jerusalem.

EZEKIEL 22:4

Kanamin ng'oogisto amu korotiguk che kiitumde, ki king'wanitin eng' kanamoniguk che ki iyai; ak ki igoochi peetuusyeguk koriik, ak kaiit ye pooch kenyisyeguk. Ko uu nooto kaayain koteweerin pororyosyek, ak ne kichotei eng' emotinwek tugul.

EZEKIEL 5:14

Kogeny ayain iegu karaatya ak ne kiteweeri, eng' pororyosyek che mi komosweguk tugul, eng' taitap icheek tugul che siirtoi.

DANIEL 11:45

Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

DANIEL 9:20

Ak ye kita ang'alaali, ak asaae ak ang'aanye tengektonyu ak tengektap piikyuk Israel, ak aibe soomennyu kwo taitap Kamuktaindet ne Toroor Kamuktaindennyu agobo tulweet ne tiliil ne po Kamuktaindennyu;

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

2 THESSALONIKEK 1:6

si ngo kiy ne po imanda eng' Kamuktaindet koyaakyi mugetuut ne po nyalilda icheeget che inyalilok,

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

1 SAMUEL 2:7

Ibanani `Kamuktaindet ne Toroor chii ak komogornoni. Iming'ini ak koeeti.