DANIEL 9:15 - Bukuit Ne Tilil

¹⁵ Ara anyun, ee Kiptaiyat Kamuktaindennyo, ne ki imutu piiguk eng' euut ne kiim komong' eng' emetap Misiri, ak ki isikyigei teegisto agoi rani; kigeyai tengekto, kigeyai kiit ne ya kot.

BUKUIT NE TILIL

¹⁵ Ara anyun, ee Kiptaiyat Kamuktaindennyo, ne kiimutu biguk eng’ eut ne kim, komong’ eng’ emetab Misri, ak kiisikyige teegisto, ko u rani; kigeyai tengekto, kigeyai kit ne ya kot.

DANIEL 9:15 Referencias Cruzadas

1 LAITORINIK 8:51

amu icheek ko piiguk, poroteng'ung', che ki imutu komong' eng' Misiri, eng' kwenutap maatap karnet.

2 LAITORINIK 21:15

amu ki koyai yaityet eng' tainnyu ak ki kotacha anereech, kobooch peetuut ne ki mong'u kwanisyekwak eng' Misiri, agoi rani.”

2 ATEPTAP PEETUUSYEK 6:37

ago ngot kobwaatkei eng' emet ne ki kimut koek luulenik ak kosik, ak koriirchin eng' emet ne ki kiluulji icheek, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

NEEMIA 1:10

Ara anyun chuuto ko otwogiguk ak ko piiguk, che ki ityaach eng' kamuktaeng'ung' ne oo ak eng' eung'ung' ne kiim.

NEEMIA 1:6

ingoep iit itiiguk ak koyatagis konyeguk, si kobiit igas saaetap otwogindeng'ung' ne asaain eng' saini, peet ak kemoi, agobo piigap Israel otwogiguk, ye ang'aanye tengekwogigap piigap Israel, che kigeyaun. Ee, ki ayai tengekto kobooto kootap kwandanyu.

NEEMIA 9:10

Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:16

Egu niito kaboorunet eng' eung'ung' ak koek ratuutik che kirate anook eng' turyetap togeng'ung'. Amu ki imutwech Kamuktaindet ne Toroor eng' euut ne kiim kemang'une Misiri.”

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 13:9

Ak tuun egu nooto kaboorunet eng' eung'ung' ak koek kabwaatet ne mi kwenutap konyeguk si kobiit kotebee ng'atuutigap Kamuktaindet ne Toroor kuting'ung'. Amu ki imoong'wok Kamuktaindet ne Toroor omang'une Misiri eng' euut ne kiim.

KOMONG'U 14:18

Ye kaanyoorunee teegisto Pharaoh, kariisyekyik, ak piikyik che ketei paraisisyek, konai Misiriik kole aa Kamuktaindet ne Toroor.”

KOMONG'U 32:11

Ki igaigai `Musa Kamuktaindet ne Toroor Kamuktaindennyi, koleenji, “Ee, Kamuktaindet ne Toroor, amu nee si kolalyo nereegeguk agobo piiguk che ki imutu komang'une emetap Misiri eng' kimnateet ne oo ak eng' euut ne kiim?

KOMONG'U 6:1

Ki leenji `Kamuktaindet ne Toroor Musa, “Machei si igeer nguno kiit ne amache ayachi Pharaoh, amu eng' eunyu ne kiim, kogoochin icheek koba, ak koon koba eng' emennyi eng' eunooto kiim.”

KOMONG'U 6:6

Ileenji anyun piigap Israel, ‘Aa Kamuktaindet ne Toroor, ak among'wok omang'une otetap Misiriik. Asarwok eng' otwoknateet ne oote icheek ak atyachak eng' euut ne chuulaat ak eng' kwang'utik che eecheen che po kirwooget.

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

ISAIAH 55:13

Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

ISAIAH 64:4

Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

JEREMIA 14:20

Ee Kamuktaindet ne Toroor, king'aanye tengektonyo, ak yaityetap kwanisyekyok, amu kigeyaun tengekto.

JEREMIA 32:10

Ak ki asir parweetap kayanjinet, ang'och, ak aguur paorinik, ak agerchi ineendet fedhaisyek eng' kiit ne kirogendoisye.

RIREKAB JEREMIA 3:42

Ki kibistoe ak ki kingelelse; ak tomo inyoiywech kaat.

EZEKIEL 5:6

Ak ki kongelelji kirwoogutikyuk amu ki yai sogornateet kosiir pororyosyek alak, ak kongelelji ng'atuutikyuk kosiir emotinwek che mi komoswekyik tugul: amu ki koeesyo kirwoogutikyuk, ama pendate icheek ng'atuutikyuk.

DANIEL 9:5

kigeyai tengekto, kigeyai kiit ne imaasat, ak kigeyai kiit ne ya kot, ak ki kingelelse, kemaste kemete kaneetisyosyeguk ak kirwoogutiguk.

LUKA 15:21

“Ak ki leenji weeriit, Abba, ki achalwogenji kipsengwet, ak ki achalwogen eng' taing'ung': ma ko nyoljino kota keguureno weeriing'ung'.

LUKA 18:13

Ago ki tonon taagindetap aisuruut eng' ye loo, ak ma cham agot konyal kipsengwet, ago kiluch tegeennyi, kole, ‘Kamuktaindet, rireena, aa kiptengekyo.’

2 KORINTOEK 1:10

ne kisarwech eng' meet ne oo ne tee ni, ak ta kosarwech: ne kimang'u keele ta ko sarwech kogeny;

NG'ATUTIK 5:15

Meutye ile ki ii otwoget eng' emetap Misiri ago ki imoong'un Kamuktaindet ne Toroor Kamuktaindeng'ung' eng' olooto eng' euut ne kiim ak eng' euut ne chuulaat. King'atin anyun eng' nooto `Kamuktaindet ne Toroor Kamuktaindeng'ung' iriip peetuutap sabato.