DANIEL 7:8 - Bukuit Ne Tilil

⁸ Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

BUKUIT NE TILIL

⁸ Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

DANIEL 7:8 Referencias Cruzadas

TIENWOGIKAL 12:3

Ibeeti Kamuktaindet ne Toroor kutusweek tugul che ng'alaali chemwaigutnateet, ak ng'elyepta age tugul ne lasegei.

DANIEL 11:36

Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

DANIEL 7:19

Yeityo amach anai kaguiyetap tyondo ne po ang'wan, ne ki teer eng' tyong'ichun tugul, ne ki imuisei miising', ne ki po kelekyik kariik, ak ki po siyookyik sugunwet; ne ki am ak kotonaton, ak kotyechatyech che ki ng'et;

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

2 TIMOTEO 3:2

Amu egu piik che chamegei icheegei, che chamei silingisyek, che ichaugei, che mendos, che poisyee chemerereet, che ingeleljin sigiikwak, che ma tinyei kongoi, che ma tiliileen,

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

JUDA 1:16

Chuuto ko che ing'unyng'ung'dos, kiptiyotinik, che isubi maguutikwak che yaacheen (ak komwaei kutusweekwak ng'aleek che koroomen che po menoteet), che tiytiy piik si konyoor kelunet.

NG'ANG'UTYET 13:1

Ak ki ageer tyondo kotogosu eng' nyanjet, ne tinyei kuinoik taman ak metowek tisap, ak naryosyek taman eng' kuinoikyik, ak ki mi metowekyik kainaigap chubisyet.

NG'ANG'UTYET 9:7

Ki uu itoonwegap chereng'enyinichooto paraisisyek che chobootiin koba lugeet. Ak ki uu yo mi metowekwak kutonook che kergei ak thahabu, ak ki uu togoochikwak togoochigap piik.

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.