DANIEL 7:7 - Bukuit Ne Tilil

⁷ Kingo pata niito, ageer eng' ng'ang'utik kemoi, tyondo ne po ang'wan ne imuisei ak kogim, ak kotinyei kimnateet ne siirtoot. Ki tinyei kelek che eecheen che po kariik, ki am ak kotonaton, ak kotyechatyech che ki ng'et. Ki teer tyonyooto eng' tyong'ik tugul che ki indoune ineendet, ak ki tinyei kuinoik taman.

BUKUIT NE TILIL

⁷ Kingobata nito, ageer eng’ ng’ang’utik kemoi, ogeero, tiondo ne bo ang’wan ne imuisei ak ko kim, ak kotinyei kimnatet ne siirtoot; ak kitinyei kelek che eechen che bo karik: kiam, ak kotonaton, ak kotiechatiech che king’et: ak ki ter tionyoto eng’ tiong’ik tugul che kiindoune inendet; ak kitinyei kuinoik taman.

DANIEL 7:7 Referencias Cruzadas

2 SAMUEL 22:43

Ki atonaton anyun icheek komengegitu koigei temburyegap ng'wony, ki atyech ko uu ng'atateek che mi ortinwek ak aiyeste.

Kitabuutap JOB 41:14

Ng'oo ne imuuchi koyaat kurgotigap togeennyi? Ki yiem kamuiset kelekyik.

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

DANIEL 2:19

Ki king'ong'ji anyun Daniel ung'ootyonooto eng' ng'ang'utyet ne po kemoi. Ki ilas anyun Daniel Kamuktaindetap kipsengwet,

DANIEL 7:13

Ki ageer eng' ng'ang'utigap kemoi, age ne kergei ak weeriitap chii, konyo eng' pooligap kipsengwet. Ki nyo ole mi Ineendet ne po Keny, ak ki kimut ineendet koriik taitap Ineendet ne po Keny.

DANIEL 7:2

Ki mwa Daniel kole, ki ageer eng' ng'ang'utyennyu kemoi, ogeero, ki usyi nyanjet ne oo usoonaik ang'wanu che po kipsengwet.

DANIEL 8:10

Ki eet miising' kot koit ole mi lugeetap kipsengwet. Ki turur kuinonooto alak che po lugeet kobooto alak eng' kecheik, ak kotyechatyech.

DANIEL 8:22

Ak kuinonooto ki il, eng' ole ki tononie chooto ang'wanu, ko tuun pitunee yooto pounatosyek ang'wanu che mang'une pororyet, ago ma eng' kimnateennyi.

SEKARIA 2:1

Ki ang'eet met ak ageer, ogeero, chiito ne tinyei eng' eunnyi porowet ne kikwaise.

NG'ANG'UTYET 12:3

Ak ki took kaboorunet age eng' kipsengwet; ak ogeero, maswetit ne oo ne piriir, ne tinyei metowek tisap ak kuinoik taman, ak ki miitei metowekyik naryosyek tisabu.

NG'ANG'UTYET 13:1

Ak ki ageer tyondo kotogosu eng' nyanjet, ne tinyei kuinoik taman ak metowek tisap, ak naryosyek taman eng' kuinoikyik, ak ki mi metowekyik kainaigap chubisyet.

NG'ANG'UTYET 17:12

“Ak kuinoichooto taman che kegeer ko laitorinik taman che tomo konam laitornatet; ak konyooru kimnateet ko uu laitorinik, kobooto tyondo, eng' poroindap sait agenge.

NG'ANG'UTYET 17:7

Ak ki leenjo malaikaiyat, “Kekwong' amu nee? Amache amwaun ung'ootyetap kwonyito ak ne po tyondo ne keseni ineendet, ne tinyei metowek tisap ak kuinoik taman.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.