DANIEL 7:14 - Bukuit Ne Tilil

¹⁴ Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

BUKUIT NE TILIL

¹⁴ Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:14 Referencias Cruzadas

TIENWOGIKAL 102:22

Ye kagoyumgei piik, ak laitornatosyek, si koboisyechi Kamuktaindet ne Toroor.

TIENWOGIKAL 103:19

Kigogimiit Kamuktaindet ne Toroor ng'echerennyi ne po laitornatet eng' kipsengwet; ak pou laitornatennyi tugul.

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

TIENWOGIKAL 146:10

Laitorani Kamuktaindet ne Toroor koigeny, laitorani Kamuktaindeng'ung' eng' ibinwek tugul, ee Zion. Olasu Kamuktaindet ne Toroor!

TIENWOGIKAL 45:6

Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

TIENWOGIKAL 72:11

Ee, ibutyin keelyekyik laitorinik tugul: Otei ineendet pororyosyek tugul.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 8:6

Ki igoochi ineendet koboi poisyonigap euneguk; ki inde tuguuk tugul keldebesaigap keelyekyik kogas iit:

ISAIAH 16:5

Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

ISAIAH 60:12

Amu lusei pororyet ak pounateet ne ma poisyeun; ee, king'emei pororyosyechooto kobetyo.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

DANIEL 2:35

Ki tonogis anyun tugul; kariik, meneet, sugunwet, fedha, ak thahabu ak koigei meteteegap rwanyut ne kiboorsee ak koip usoonet kot ko mata kenyoorchi ui. Ki ek tulweet ne oo koyato kotuei kanamwet ak konyi emet komugul.

DANIEL 2:37

Ee laitoryat, ii laitoryatap laitorinik, ne kogogoochi Kamuktaindetap kipsengwet pounateet, kamuget, kimnateet ak toroornatet;

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 3:4

komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

DANIEL 4:3

Eechen ne tya kaboorunoikyik! Kiimeen ne tya kwang'utikyik! Laitornatennyi ko laitornatet ne po koigeny, ak ko po pounatennyi ibinwek tugul.

DANIEL 6:26

Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

DANIEL 7:18

Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

LUKA 1:33

ak tuun laitorane kootap Jakobo koigeny; punjin laitornatennyi koigeny.”

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 12:34

Ki wolji anyun tuiyet ineendet, koleenji, “Kigegas eng' Ng'atuutik keele tebyei Kristo koigeny. Teptoi ano anyun si imwa ile, kanyool keuito Weeriitap chii? Ng'oo Weerooto po chii?”

JOHANA 3:35

Chamei Kwanda Weeriit, ak ki konde tuguuk tugul eunnyi.

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.