DANIEL 7:13 - Bukuit Ne Tilil

¹³ Ki ageer eng' ng'ang'utigap kemoi, age ne kergei ak weeriitap chii, konyo eng' pooligap kipsengwet. Ki nyo ole mi Ineendet ne po Keny, ak ki kimut ineendet koriik taitap Ineendet ne po Keny.

BUKUIT NE TILIL

¹³ Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

DANIEL 7:13 Referencias Cruzadas

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 2:8

Sooma, si agoonin pororyosyek koek poroteng'ung', ak agoonin ole poochin ng'wony kobunjiin.

TIENWOGIKAL 47:5

Ki togosta Kamuktaindet eng' tuleet, ki togosta Kamuktaindet ne Toroor ak cheetap iryageet.

JEREMIA 49:19

Ogeero, togosu ineendet ko uu ng'etundo kobunu Jordan ko kanyi peek miising' kobargei ak meng'ooteet ne kiim: ago achee, aoone komwei ineendet; ak age tugul ne kileweni, agoochini koboi ineendet: amu ng'oo ne kegerge? Ak ng'oo ne ng'atwa peetuut? Ak ng'oo mestowot ne tononi eng' tainnyu?

EZEKIEL 1:26

Ak kimi paragutap sengwetyet, ne ki mi paragutap metowekwak, kergeindo ne po ng'echereetap laitornatet, ne uu itoondanyi koita ne kiguure sapphire: ak kimi paragutap kergeindo ne po ng'echeranooto po laitornatet, kergeindo ne po itoondap chiito eng' paragunnyi.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 7:12

Ki kiistoe tyong'ik che ki ng'et, pounatennywa, ago ki kitesyi peetuusyegap sabeennywa ak kenyiisyek.

DANIEL 7:2

Ki mwa Daniel kole, ki ageer eng' ng'ang'utyennyu kemoi, ogeero, ki usyi nyanjet ne oo usoonaik ang'wanu che po kipsengwet.

DANIEL 7:22

agoi konyo Ineendet ne po Keny, ak korwooch agobo piik che tiliileen che po Ineendet Ne Toroor Miising', ak koit peetuut ne punjin pounateet piik che tiliileen.

DANIEL 7:9

Ki ageer kindo ng'echerogap laitornatet, ak ki tebee ng'echeranooto Ineendet ne po Keny, ki leelach ngoroikyik ko uu teluji, ki uu suumeekyik koroorik che tiliileen che po keechiirek; ko po ng'echerennyi ne po laitornatet liplibenosyegap maat, ak ki maat ne lalei tirookyik.

DANIEL 8:15

Kingo kaageer anee Daniel ng'ang'utyonooto, acheeng' anyun ale aguiyo; ak ogeero, ki tonon eng' tainnyu itonda ne uu ne po chii.

MATAYO 13:41

Iyooktoi Weeriitap chii malaikaisyekyik, koba koyum komang'une laitornateennyi, tuguuk tugul che inachi piich, ak icheek che yaei tengek,

MATAYO 24:30

“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

MATAYO 8:20

Ak ki leenji Jeso, Tinyei lelwek keriingonik, ak tinyei toriitik che po parak kesonok; ago ma tinyei Weeriitap chii ole indoi metinnyi.

MARIKO 13:26

Eng' sainooto kogeer anyun Weeriitap chii konyonei eng' poolik kobooto kimnateet ne oo ak liilindo ne oo.

LUKA 21:27

Ak eng' peetuunooto kogeer anyun Weeriitap chii konyonei eng' pooldet kobooto kimnateet ak liilindo ne oo.

LUKA 21:36

Ago oriipkei eng' peetuut age tugul, ak osaae, si kobiit oterteerisye, ochilile tuguuchuuto tugul pwoonei, ak otononse eng' taitap Weeriitap chii.”

LUKA 24:27

Ak ki toi kobooch Musa ak maotik tugul, ak ki iarorchi icheek eng' siruutik tugul ng'aleek agobo ineendet.

JOHANA 12:34

Ki wolji anyun tuiyet ineendet, koleenji, “Kigegas eng' Ng'atuutik keele tebyei Kristo koigeny. Teptoi ano anyun si imwa ile, kanyool keuito Weeriitap chii? Ng'oo Weerooto po chii?”

JOHANA 3:13

Ma mi chii ne ki togosta kipsengwet, kobatee ineendet ne ki choorgei eng' kipsengwet, ineendet ko Weeriitap chii ne mi kipsengwet.

JOHANA 5:27

ak ki igoochi kimnateet koyai kirwooget, amu Weeriitap chii ineendet.

POISYONIGAP CHE KIYOKTOI 7:56

Ak ki le, “Ogeero, ageere kipsengwet ko kagoyatagis, ak kotononi Weeriitap chii eng' eutap tai ne po Kamuktaindet.”

1 THESSALONIKEK 4:17

ak acheek anyun che kisoptosi, che king'etunotiin, keganabech kobooto icheek eng' poolik, ketuiye ak Kiptaiyat eng' soet: ak ketebi anyun kobooto Kiptaiyat koigeny.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

HEBRANIK 9:24

Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:

NG'ANG'UTYET 1:13

ak eng' kwenutap kelyechooto po taisyek ageer chiito ne kergei ak weeriitap chii, kolaachi ngoryeet ne itei keelyek ak koratategei pireneetap thahabu eng' tegeet.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 14:14

Ki ageer, ak ogeero, pooldet ne leel; ak kitebee poldanooto chiito ne uu weeriitap chii, kotinyei eng' metinnyi naaryeetap thahabu, ak ki mi eunnyi chepkeswet ne ng'atip.