DANIEL 5:14 - Bukuit Ne Tilil

¹⁴ Koagas agobo inyee keele menyin tamirmiryetap kamuktaik, ak keele itinye lapkeiyet ak naet ak utaatyet ne siirtoot.

BUKUIT NE TILIL

¹⁴ Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 5:14 Referencias Cruzadas

TAUNET 41:15

Ki leenji `Pharaoh Joseph, “Koarwotyi karwotitoet, ma piit chii ne koimuuch koweech. Koagas agobo inyee keele, ngigas karwotitoet imuuchi iweech.”

TAUNET 41:38

Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

DANIEL 2:22

Ng'aanyei tuguuk che looen ak ko ung'ootiin. Ingen tuguuk che mi mesundeito, ak komenyei lapkeiyet kobooto ineendet.

DANIEL 4:8

Ago eng' let, konyo Daniel tainnyu, ne ki kiguure Belteshazzar, ko uu kainetap kamuktaindennyu, ne menyei tamirmiryetap kamuktaik che tiliileen. Ki amwachi ineendet karwotitaonooto aleenji:

DANIEL 5:13

Ki kimut anyun Daniel konyo taitap laitoryat. Ki ng'alaal laitoryat koleenji Daniel, “Tos ii Daniel, ne ii po lagogap piik che ki kiluul che po Judah, che ki imutu laitoryat kwandanyu eng' Judah?

DANIEL 5:15

Ak kagimut piik che ng'oomen, ng'amotigap kecheik, kobwa tainnyu, si kobiit kosoman siruutichuuto, ak koboorwo kaarorennywa, ago ma imuuch koboor kaaroretap kioto.

DANIEL 6:3

Ki kigonyit anyun Daniel kosiir poisyechooto ak pounik, amu ki tinyei tamirmiryet ne myee miising'; ak ki ibwaat laitoryat kole konde ineendet koboi pororyet komugul.