DANIEL 5:13 - Bukuit Ne Tilil

¹³ Ki kimut anyun Daniel konyo taitap laitoryat. Ki ng'alaal laitoryat koleenji Daniel, “Tos ii Daniel, ne ii po lagogap piik che ki kiluul che po Judah, che ki imutu laitoryat kwandanyu eng' Judah?

BUKUIT NE TILIL

¹³ Kigimut anyun Daniel konyo taitab laitoriat. King’alal laitoriat kolenji Daniel, Tos i Daniel, ne i bo lagokab bik che kigiluul che bo Juda, che kiimutu laitoriat kwandanyu eng’ Juda?

DANIEL 5:13 Referencias Cruzadas

EZRAH 10:16

Ki yai ko uu nooto lagogap piik che kiga kiluul. Ki kitabaan tisiindet Ezrah kobooto kandoik alak che po kooriigap kwanisyek kobee kooriigap kwanisyekwak ak icheek tugul ko uu kainaikwak ak ki tebi ng'wony eng' peetuut ne po tai ne po arawetap taman kogin ng'aleechooto.

EZRAH 10:7

Kimwaita eng' Judah tugul ak Jerusalem, komwachi lagok tugul che po piik che kiga kiluul si kobiit koyumjigei Jerusalem.

EZRAH 4:1

Kingo kas anyun puunigap Judah ak Benjamin kole kateekyi Kamuktaindet ne Toroor, Kamuktaindetap Israel Hekaluut, luulenik,

EZRAH 6:16

Ki itabaan koyooto po Kamuktaindet eng' poiboiyet piigap Israel, tisiik kobooto Lawiik ak piik tugul che ki luulenik che ki weeksei.

DANIEL 1:1

Eng' kenyiitap somok ne po laitornatetap Jehoiakim laitoryatap Judah, ko ki nyo Nebukadnezar laitoryatap Babilon Jerusalem, ak koyiem nganaseet.

DANIEL 1:2

Ki igoochi `Kiptaiyat kimnateet Nebukadnezar koterteer Jehoiakim laitoryatap Judah. Ki kimut inee kobooto tuguuk alak che po kootap Kamuktaindet. Ki ip tuguuchooto koba emetap Sinar, ak konde kootap konoraik che po kamuktaikyik.

DANIEL 1:21

Ak ki tebi Daniel agoi kenyiitap tai ne po Laitoryat Cyrus.

DANIEL 1:6

Eng' neranichooto ko ki mi Daniel, Hananiah, Mishael, ak Azariah, kobun ooreetap Judah.

DANIEL 2:25

Ki imut anyun `Ariok Daniel kochaaktae kwo taitap laitoryat ak koleenji, “Kaanyooru chii eng' lagogap piik che ki kiluul che po Judah ne imuuchi koboorchi laitoryat kaaroret.”

DANIEL 2:48

Ki eet anyun `laitoryat Daniel, ak kogoochi ineendet kagoochinoik che eecheen, ak kogoochi ineendet koboi emet komugul ne po Babilon, ak koek kirwoogindet ne oo ne pou piik tugul che ng'oomen che po Babilon.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 5:14

Koagas agobo inyee keele menyin tamirmiryetap kamuktaik, ak keele itinye lapkeiyet ak naet ak utaatyet ne siirtoot.

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

DANIEL 5:2

Ye kita koei Belshazzar divaik, kong'at keip tereenik che po thahabu ak che po fedha che ki ibu Nebukadnezar kwandanyi eng' Hekaluut ne ki mi Jerusalem, si kobiit koeise laitoryat ak kiptainikyik, osotikyik ak chebaigeinikyik.

DANIEL 6:13

Ki wol anyun pichooto eng' taitap laitoryat kole, “Ma iitin Daniel-inooto ne po lagogap piik che ki kiluul che po Judah, ee laitoryat, anan koiit ng'atuutyet ne ki isir ak inde kaineng'ung', ago saaei konyil somok eng' peetuut.”

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

JOHANA 7:1

Ak kingo pata tuguuchu kowendot Jeso eng' Galilaya: amu ma cham kowendot eng' Judea, amu ki cheeng'ei Yahudik kobar ineendet.

JOHANA 7:3

Ki leenji anyun tupchosyekyik, Ui eng' oli, ui agoi Judea, si kogeer kasubiguk ak icheek poisyoniguk che iyae.