DANIEL 4:36 - Bukuit Ne Tilil

³⁶ Ki weekyagei eng' yooto naennyu; amu ki weekyagei etunatennyu ak karaaranindanyu amu toroornatetap pounatennyu. Ki pwa ole ami kirwoogikyuk ak kiptainikyuk; ak ki kigimiita eng' pounatennyu, ak ki kiteswa etunateet ne karaaran miising'.

BUKUIT NE TILIL

³⁶ Kiweekyagei eng’ yoto naennyu; amu kiweekyagei etunatennyu ak kororonindanyu amu torornatetab bounatennyu; ak kibwa ole ami kiruogikyuk ak kiptainikyuk; ak kigigimita eng’ bounatennyu, ak kigiteswa etunatet ne kararan mising’.

DANIEL 4:36 Referencias Cruzadas

Kitabuutap JOB 13:12

Ng'aleekwok che kibwaati ko kalewenaigap oreek, irimosyekwok ko irimosyek che po meneet.

KALEWANAIK 22:4

Melektap kaming'inetapkei ak kaiyweisyet ne kiywei Kamuktaindet ne Toroor, ko mogornatosyek, teegisto ak saboondo.

DANIEL 2:31

Koigeer inyee, ee laitoryat, kanamwet ne oo. Ki tonone taing'ung' kanamwonooto oo, ne ko karaaran miising' kakweng'ennyi ak komuisyei itondanyi.

DANIEL 4:22

Inyee nooto, ee laitoryat, ne koieetu ak igimiitu. Kogotesak etunateng'ung' ak koitei kipsengwet, ak koitei ole poochin ng'wony pounateng'ung'.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.