DANIEL 4:37 - Bukuit Ne Tilil

³⁷ Alasu anyun anee Nebukadnezar, ak atoroori ak agonyiti Laitoryatap kipsengwet, amu po iman poisyonikyik tugul, ak ko po kirwooget ortinwekyik; ak imuuchi koming'in icheek che pendoti eng' menoteet.

BUKUIT NE TILIL

³⁷ Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

DANIEL 4:37 Referencias Cruzadas

2 ATEPTAP PEETUUSYEK 33:19

Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.

ESTA 6:10

Komwachi anyun `laitoryat Haman koleenji, “Chaakte, ip ngoroik ak ikweri paraisiit ko uu ye kaimwa, ak iyachi ko uu nooto Mordekai ne riipsei eng' ormariichetap laitoryat. Mat kebagaakta kiy eng' chooto tugul kaimwa.”

TIENWOGIKAL 119:75

Angen, ee Kamuktaindet ne Toroor, ale po iman kirwoogutiguk, ak ki ibira eng' imandang'ung'.

TIENWOGIKAL 99:4

Chamei kimnateetap laitoryat kirwooget; Igimiiti imanda, Iyae kirwooget ak imanda eng' Jakobo.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

KOMONG'U 8:4

Togostaenen inyee, piiguk ak otwogiguk tugul mororochik.’ ”

ISAIAH 23:9

Ki kochop nooto Kamuktaindet ne Toroor ne po lugoosyek, si kobiit komurwon menoteet tugul ne po toroornatet, ak koteweer piik tugul che konyitotiin che po ng'wony.

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

JEREMIA 50:29

Kuur mwogik tugul kobargei ak Babilon, icheek tugul che riichei kwangok koyiem komoswekyik; amengochilil agot agenge eng' olooto: yaakyi mugetuut ko uu poisyonikyik; oyachi ko uu tugul che ki koyai: amu ki komenji Kamuktaindet ne Toroor, ki komenji Ineendet ne Tiliil ne po Israel.

EZEKIEL 16:56

Amu ki ma imwa kiy agobo chepkameng'ung' Sodom eng' peetuusyegap menateng'ung';

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

DANIEL 4:26

Ak ko uu ye ki ng'at icheek kebagaakta musukyet ak tigitik eng' ng'wony; inyooru kogeny pounateng'ung' ye kainai ile pounisyei kipsengwet.

DANIEL 4:3

Eechen ne tya kaboorunoikyik! Kiimeen ne tya kwang'utikyik! Laitornatennyi ko laitornatet ne po koigeny, ak ko po pounatennyi ibinwek tugul.

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 5:4

Ki ee divaik ak kolas kanamonigap thahabu ak che po fedha, che po sugunwet, che po kariik, che po keetiik ak che po koik.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

POISYONIGAP CHE KIYOKTOI 17:24

Kamuktaindet ne ki yai ng'wony ak tuguuk tugul che miitei olooto, ineendet ko Kiptaiyatap kipsengwet ak ng'wony, koma menyei hekalusyek che ki kiyae eunek.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 16:7

Ak ki agas kaptisisyet komwa kole, “Uu nooto, ee, Kiptaiyat Kamuktaindet, Ne po Kamuktaet, po iman ak ko po imanda kirwoogutiguk.”

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.