DANIEL 4:14 - Bukuit Ne Tilil

¹⁴ Ki mwa eng' kutit ne oo kole oep keetoto ak oep mooriikyik, otumdum korara sogekyik ak oseer logoekyik. Ingoba tyong'ik eng' kelunnyi, ak koba toriitik eng' mooriikyik.

BUKUIT NE TILIL

¹⁴ Kimwa eng’ kutit ne o ko u ni kole, Oeb ketoto, ak oeb temenikyik, otumdum korara sogekyik, ak oseer logoekyik: ingoba tiong’ik eng’ kelunnyi, ak koba taritik eng’ temenikyik.

DANIEL 4:14 Referencias Cruzadas

Kitabuutap JOB 24:20

Utye moet ne kisichei ineendet. Amei kuutik ineendet eng' anyinyindo. Ma kibwaati kogeny, ak keiri ne ma po iman ko uu keetit.

JEREMIA 27:5

Ki ayai ng'wonyuni, chii ak tyony che miitei ng'wony, eng' kamuktaennyu ne oo ak eunnyu ne chuulaat; ak agoochi emoniito ineendet ne ageere ale nyolu agoochi.

JEREMIA 51:6

Omwei eng' Babilon, ingosar chii age tugul saboondanyi; amat ongobaraak tengektanyi: amu peetuutap yaaktaetap mugetuut ne po Kamuktaindet ne Toroor; yaakyin ineendet mugetuut.

JEREMIA 51:9

Kata kimache kisoop Babilon, ago ma sap: omete ineendet ak ongebe, kwo chii tugul emennyi: amu itei kipsengwet kirwoogennyi, ak kaginamji parak agoi koit kipsengwet.

EZEKIEL 31:10

Kamwa anyun Kiptaiyat Kamuktaindet ne Toroor kole: Amu kiitoroorge eng' koindong'ung', ak ki itei walinnyi poolik, ak kitororit muguleldanyi amu koindonyi;

DANIEL 2:21

Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 3:4

komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

DANIEL 4:12

Ki korooron sogekyik, ak ki chaang' logoekyik, ak ki tinyei amitwogik che yamei piik tugul. Ki uuree tyong'igap timiin, ak ki meny toriitigap parak mooriikyik, ak ki kibae keetoto piik tugul.

DANIEL 4:23

Ak ko uu ye ki keer laitoryat `riibindet ne tiliil kochoorugei eng' kipsengwet ak kole, oep keetit ak oong'em, ago obagaakte tigitigap musukyennyi ak eng' ng'wony, ko miiroot eng' karnet ak sugunwet, eng' ole mi susweek che ng'orng'or. Ingobutyi ineendet rewootap kipsengwet, ak kotebi kobooto tyong'igap timiin, kot kogeskei peetuusyek che ki king'at, konyil tisap.

DANIEL 4:29

Ye ki keskei arawek tamanu ak aeng', ye ki wendote ineendet paragutap kootap laitoryat ne po Babilon,

DANIEL 5:20

Ago ye kingo eetkei eng' muguleldanyi ak kouiit tamirmiryennyi kot koboisye menoteet, kechoor eng' ng'echerennyi ne po laitornatet, ak kerebe toroornatennyi.

DANIEL 5:21

Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

MATAYO 3:10

Agot nguno ko kagiting'e aiywet tigitigap keetiik; kiebei keetit age tugul ne ma iyei logoek che myach ak kewiirchi ma.

MATAYO 7:19

Keetit age tugul ne mayiei logoek che myach keebei ak kewiirchi ma.

LUKA 3:9

Agot nguno ko kaginde aiywet tigitigap keetiik: nooto anyun, keetit age tugul ne ma iyei logoek che myach, keebei, ak kewiirchi ma.”

NG'ANG'UTYET 10:3

ak kitwek eng' kutit ne oo, ko uu ye morori ng'etundo. Ak ye kingo kagotwek, kobolyo tuloosyek tisabu.

NG'ANG'UTYET 18:2

Ak kiwaach eng' kutit ne kiim kole, “Kagoluul, kagoluul Babilon ne oo, ak kagoek ole menyei oik, ak irimeetap tamirmiryet age tugul ne murwoon, ak irimeetap toriit age tugul ne murwoon ak ne kiwechei.