DANIEL 4:13 - Bukuit Ne Tilil

¹³ Ki atestai ageer, eng' ng'ang'utik che ki pwanjo ami itogunnyu, ak ogeero, ki choorgei riibindet ne tiliil kobunu kipsengwet.

BUKUIT NE TILIL

¹³ Ak kiageer eng’ ng’ang’utik che kibwanja ami itogunnyu, ak ogeero, kichorgei ribindet ne tilil kobunu kipsengwet.

DANIEL 4:13 Referencias Cruzadas

Kitabuutap JOB 12:24

Ibee `kaguiyet pounigap piik che po ng'wony, ak igoochin ko ombeniot eng' surkwen ole ma mi ooreet.

TIENWOGIKAL 103:20

Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.

TIENWOGIKAL 89:7

Ineendet Kamuktaindet ne kiywei miising' eng' tuiyetap che tiliileen, Ne kiywei kosiir tugul che kiyiem ineendet?

DANIEL 4:10

Ye ki ami itogunnyu; ko ki ageer keetit komi kwenutap ng'wony, ak ki oo kooindap tononennyi.

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:23

Ak ko uu ye ki keer laitoryat `riibindet ne tiliil kochoorugei eng' kipsengwet ak kole, oep keetit ak oong'em, ago obagaakte tigitigap musukyennyi ak eng' ng'wony, ko miiroot eng' karnet ak sugunwet, eng' ole mi susweek che ng'orng'or. Ingobutyi ineendet rewootap kipsengwet, ak kotebi kobooto tyong'igap timiin, kot kogeskei peetuusyek che ki king'at, konyil tisap.

DANIEL 4:5

Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

DANIEL 7:1

Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

DANIEL 7:17

Tyong'ichuuto ang'wan eecheen, ko laitorinik ang'wan che tuun mang'une ng'wony.

DANIEL 7:23

Ki mwa anyun ko uu ni kole, “Egu tyonyooto po ang'wan pounateet ne po ang'wan eng' ng'wony, ne egu ne teer eng' pounatosyek tugul, ak amei ng'wony komugul, ak kotyekyi ak kotonaton.

DANIEL 8:13

Ki agas anyun ineendet ne tiliil kong'alaali; ak ki teebe age ne tiliil nooto kang'alaali koleenji tebyei kot kotyanit ng'ang'utyet agobo kagoochinet ne kibeelei, ak pistoet ne ng'emisyei, si kigoito ole-tiliil kobooto lugeet ketyechatyech?

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MARIKO 1:24

kole, “Kiting'egei nee ak inyee, Jeso ne po Nazareth? Kenyo ing'emech? Angenin ale, ii Ne Tiliil ne po Kamuktaindet.”

LUKA 4:34

kole, “Pagaaktech! Kiting'egei nee ak inyee, Jeso ne po Nazareth? Kenyo inyee si ibarech? Kaanain inyee ale ii Ne Tiliil ne po Kamuktaindet.”

NG'ATUTIK 33:2

Ki toi komwa kole, “Ki nyo Kamuktaindet ne Toroor eng' Sinai, king'eet eng' Seir amu icheek. Ki iluu eng' tulweetap Paran, Ki nyo eng' tamanusyegap eliphusyegap che tiliileen: ki mi eunnyi ne po tai ng'atuutyet ne uu maat eng' icheek.

JUDA 1:14

Ki maoten Enok agine, chiito ne po tisap kobooch Adam, koamdochi pichu kole, Ogeero, ki nyo Kiptaiyat kobooto piikyik che tiliileen eliphuusyek ng'iisyat,

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet: