1 PETERO 2:4 - Bukuit Ne Tilil

⁴ obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

BUKUIT NE TILIIL Sireet ne Dutero Kanon

⁴ obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

BUKUIT NE TILIL

⁴ obwanjini inendet koita ne sobei, ne kiesio bik iman, ago lewenot eng’ Jehovah, ne chamat mising’,

1 PETERO 2:4 Referencias Cruzadas

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

DANIEL 2:34

Ye kota igeere, keep koita ne ma kiebe eunek, ak kokwer kanamwonooto eng' keelyekyik po karnet ak meneet kotonatonagis.

DANIEL 2:45

ko uu ye koigeer ile ko ki ep koita ne komi tulweet ama eng' eunek, ak kotuatui karnet, sugunwet, meneet, fedha, ak thahabu. Kagoboorchi `Kamuktaindet ne oo laitoryat tuguuk che tuun piitu let. Po iman karwotitoet ak kosuldoi kaarorennyi.

SEKARIA 3:9

Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

SEKARIA 4:7

Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

MATAYO 11:28

“Obwanjo, okweek tugul che oiimige, ak che olae mileet ne nyigiis si amuung'wok.

MATAYO 12:18

“Ogeero, otwogindennyu ne ki alewen; Chamanennyu ne paibai saboondanyu eng' ineendet: Andoi ineendet Kabuusennyu ne Tiliil, si komwachi pororyosyek kirwooget.

MATAYO 21:42

Ki leenji `Jeso icheek, “Tom osoman siruutik keele: ‘Koita ne ki eesyo teegik, ko koek nooto metit ne po luuita; punu Kiptaiyat niito ak po kwang'ut eng' konyekyok?’

JOHANA 14:19

Ta komi kitigin, si ma kogeero ng'wony; ago ogeera: amu asabe, osaptosi ak okweek.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 5:26

Amu ko uu ye tinyei Kwanda saboondo ineegei, uu nooto Ki kogoochi Weeriit kotepto saboondo:

JOHANA 5:40

ago mochame obwanjo, si kobiit konyooru saboondo.

JOHANA 6:37

Pwonjino tugul che koono Kwanda; ak ineendet ne nyoonjino koma oone matiny.

JOHANA 6:57

Ko uu ye ki iyookwo Kwanda ne sabei, ak asabe amu Kwanda; uu nooto ineendet ne ama, sabei agine amu anee.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

1 KORINTOEK 3:11

Amu ma mi lumeiywot age ne imuuchi chii kolumda kobatee nooto kigelum, nooto Jeso Kristo.

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

1 PETERO 2:7

Eng' okweek anyun che oyani kochamaat miising' ineendet: ago eng' icheek che ma iyani, ko, Koita ne ki eesyo teegik, Ki kiyai koyata koek metitap luuita;

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2 PETERO 1:4

Ki kogoonech eng' chooto arorutik che myachen miising' ak ko eecheen inne; si kobiit oegu eng' chuuto yamdoigap atebeetap Kamuktaindet, ko kaochililye ng'emisyet ne mi ng'wony amu mageet ne ya.