1 PETERO 1:7 - Bukuit Ne Tilil

⁷ si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

BUKUIT NE TILIIL Sireet ne Dutero Kanon

⁷ si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

BUKUIT NE TILIL

⁷ si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

1 PETERO 1:7 Referencias Cruzadas

Kitabuutap JOB 23:10

Ago ingen ineendet ooreet ne abune, ye kagotyema, among'u aige thahabu.

Kitabuutap JOB 28:1

“Iman, miitei keriinget ne kebalune fedha, ak komostap thahabu che itiliili icheek.

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

KALEWANAIK 16:16

Karaaran anyun ne tya kenyoor utaatyet kosiir thahabu! Kaigai kelewen kaguiyet kosiir fedha.

KALEWANAIK 17:3

Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.

KALEWANAIK 8:19

Korooron logoekyuk kosiir thahabu, ee thahabu che tiliileen, ak siirei kelunetap tuguukyuk fedha che korooron.

AMDOINDET 5:14

Petos mogornatosyechooto eng' poisyet ne ya; ak ngot ko ki kosich weeriit, koma mi kiy eunnyi.

ISAIAH 48:10

Keero, kaatiliilin eng' maat, ago ma ko uu fedha; kaalewenin eng' maat ne oo ne po nyalilda.

JEREMIA 48:36

Cheei anyun muguleldanyu agobo Moab ko uu ndurerusyek, ak kocheei muguleldanyu ko uu ndurerusyek agobo piigap Kir-heres: kagobetyo anyun chaang'indap tuguuk che kiga konyoor.

JEREMIA 9:7

Ara anyun mwaei anyun Kamuktaindet ne Toroor ne po lugoosyek kole, abeele icheek kochootyo ak atyem; nee kiit age ne amuuchi ayai, agobo piikyuk?

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

MALAKI 3:3

ak kotep ng'wony ko uu kitong'iin ak ko uu katiliilindetap fedha. Itiliili `inee ooreetap Lawiik ak kotiliil icheek ko uu ye kitiliili thahabu ak fedha; si kogoochi Kamuktaindet ne Toroor kagoochinoik eng' imanda.

KAITOSYEK 5:28

Ago ngot kotom komurwongei kwonyooto ak ko tiliil, kotyagat anyun ak komuuchi komanach.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:23

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

LUKA 12:33

Oalde che otinye, si ogoite kagoochinoik; onapchigei suberok che maosegitu, konorwet eng' kipsengwet ne ma pegu, ole mariikyin chooriik, ama ng'emei kuutik.

LUKA 17:30

uu nooto eng' peetuut ne kibooru Weeriitap chii.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

POISYONIGAP CHE KIYOKTOI 8:20

Ago ki leenji Petero ineendet, “Ingobetyo siling'isyeguk kobooten, amu keleen inyooru konunetap Kamuktaindet eng' silingisyek.

ROMANIK 2:10

ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine:

ROMANIK 2:29

ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 8:19

Amu igeni miising' ak koganyei yaeet komugul ng'ang'et ne po weeriigap Kamuktaindet.

1 KORINTOEK 3:13

tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

1 PETERO 2:4

obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

1 PETERO 2:7

Eng' okweek anyun che oyani kochamaat miising' ineendet: ago eng' icheek che ma iyani, ko, Koita ne ki eesyo teegik, Ki kiyai koyata koek metitap luuita;

1 PETERO 4:12

Chamanichu, amokwong' eng' tyemisyet ne po maat ne mi kwenung'wong', ne nyoonjinok si kobiit kotyemak ko uu ye kaityok kiy ne okwong'ee:

1 PETERO 4:13

ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2 PETERO 1:4

Ki kogoonech eng' chooto arorutik che myachen miising' ak ko eecheen inne; si kobiit oegu eng' chuuto yamdoigap atebeetap Kamuktaindet, ko kaochililye ng'emisyet ne mi ng'wony amu mageet ne ya.

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.