1 PETERO 1:2 - Bukuit Ne Tilil

² ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

BUKUIT NE TILIIL Sireet ne Dutero Kanon

² ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

BUKUIT NE TILIL

² ko u eng’ naetab Jehovah Kwanda ne kisib konai, eng’ katabanetab Tamirmiriet, agoi kasetab it ak isetab korotik che bo Jesu Kristo: Ingotesak mieindo ak kalyet eng’ okwek.

1 PETERO 1:2 Referencias Cruzadas

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 65:22

Ma teeksei icheek, si konyo komeny age; ama minsei icheek, si konyo koam age: amu igeitu peetuusyegap keetit peetuusyegap piikyuk, ak koboiboitune chechuuk che ki alewen, poisyonigap eunekwak.

ISAIAH 65:9

Ak amutu ne ki kiii eng' Jakobo, ak amutu eng' Judah nyabanindetap tuloonookyuk, ak kobunji yooto chechuuk che ki kilewen, ak komenyei yooto otwogikyuk.

DANIEL 4:1

Kamwachi `Laitoryat Nebukadnezar piik tugul, pororyosyek tugul, ak che po kutusweek tugul che menyei ng'wony tugul koleenji: Ingotesak kaalyeet eng' okweek!

DANIEL 6:25

Ki sirchi anyun `Laitoryat Darius piik ak pororyosyek tugul ak che po kutusweek tugul che menyei ng'wony komugul; koleenji, “Ingotesak kaalyeet eng' okweek!

ATEPTAP LAWIK 1:5

Yeityo koeeny kirgooto eng' taitap Kamuktaindet ne Toroor. Ingoip korotiik tisiik, weeriigap Aron, ak koisote kaptisisyet komoswek tugul, che mi ole neegitee kurgeetap emait ne kituiyechin.

MATAYO 24:22

Ak nda ma kiga keetil konwagitu peetuusyechooto, ta ma ki saru chii; ago kitilei peetuusyechooto agobo che lewenotin.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

MARIKO 13:20

Ak nda ki ma til Kiptaiyat peetuusyek konwagitu, ta ma kisaru chii: ago kitil peetuusyek amu che lewenotin che ki lewen.

MARIKO 13:22

Amu ng'eetos Kristoisyek che po lembech, ak maotik che po lembech, ak koboortoi kaboorunoik ak kwang'utik, si kobeet, agot che kigelewen nda imugaksei.

MARIKO 13:27

Yeityo koyookto malaikaisyek, ak koyum lewenikyik, kobun usoonaik ang'wan, kobunu tabandap ng'wony agoi tabandap kipsengwet.

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 11:2

Ki ma toorta `Kamuktaindet piikyik che kisip konai. Anan ma onai ne mwaei sireet agobo Elijah? Ko uu ye king'andoi `ineendet Yahudik eng' taitap Kamuktaindet kole,

ROMANIK 11:28

Ago puunik icheek eng' okweek, amu logoiywek che myach: ago eng' ng'olyootap lewenet, ko chamanik icheek amu kwanisyek.

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 16:19

Amu ki kogasak eng' piik tugul kaseng'wong' po iit. Nooto anyun abaibai eng' okweek: ago amache oeguche utaatiin eng' nooto myee, ak oegu che perber eng' nooto po yaityet.

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

ROMANIK 8:33

Ng'oo ne itaami che ki lewen Kamuktaindet? Kamuktaindet ne iityin imanda;

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

2 THESSALONIKEK 2:13

Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 11:28

Ki yai paska eng' kayaneet, ak isisyetap korotiik, si matwa icheek ne kibarei weeriik che po tai.

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

1 PETERO 1:14

ko uu lagok che kase iit, amoyaniegei maguutikwok che po tai eng' peetuusyek che ki po perberindang'wong':

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 PETERO 1:20

ne kisip konaam iman kotom kelumda ng'wony, ago ki king'aany eng' peetuusyek che po let agobo okweek,

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

2 PETERO 1:2

Ingotesak myeeindo ak kaalyeet eng' okweek eng' naet ne ongen Kamuktaindet ak Jeso Kiptaiyandennyo.

2 JOHANA 1:1

Anee poiyot ne asirchini chebyoset ne lewenot ak lagokyik, che achame eng' imanit; ago ma aneege kityo, ago tugul che ingen imanit ak icheek,

2 JOHANA 1:13

Igatin lagogap chepkomet ne lewenot.

JUDA 1:2

Ingotesak rireenet eng' okweek ak kaalyeet ak chamyet.