SEKARIA 9:9 - BUKUIT NE TILIIL Sireet ne Dutero Kanon

⁹ Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

Bukuit Ne Tilil

⁹ Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

BUKUIT NE TILIL

⁹ Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

SEKARIA 9:9 Referencias Cruzadas

1 LAITORINIK 1:38

Ki choortagei anyun Zadok tisiindet, ak Nathan maotyot, ak Benaiah weeriitap Jehoiada, kobooto Keretik ak Peletik, ak kolaany Solomon nyumbutap Laitoryat Daudi, ak yeityo komut ineendet kwo Gihon.

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 45:1

Ing'irtogei tuguuk che myach eng' muguleldanyu; amwaitoi eng' kaitosyegap tyendo agobo laitoryat; kergei ng'elyeptanyu ak kalametap siriindet ne ng'oom.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 30:6

Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 43:11

Anee, ee, aneendet, aa Kamuktaindet ne Toroor; ama mi yetindet age kobatena.

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 62:11

Ogeero, kagomwaita Kamuktaindet ne Toroor agoi tabandap ng'wony, kole, oleenji cheptap Zion, Keero, nyoonei yetuneng'ung'; keero, mi melektanyi kobooto ineendet ak mi yaaktaennyi tainnyi.

JEREMIA 30:9

Ago otei Kamuktaindet ne Toroor Kamuktaindennywa, ak Daudi laitoryannywa, ne ang'eetyini icheek.

EZEKIEL 21:32

Iegu kweenik che kilaali; kitumjin korotiguk kwenutap emet. Ma kibwaatin kogeny; amu kamwae anee Kamuktaindet ne Toroor ng'olyoondoniito.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

MIKAH 4:8

Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

SEKARIA 2:10

Mwaei Kamuktaindet ne Toroor kole “Tyen ak ibaibaitu, ee cheptap Zion; amu, keero, anyoone amenye kwenung'ung'.

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 2:2

koteeboti kole, “Mi ano ineendet laitoryatap Yahudik ne ko ki sich? Kogigeer kecheiyandennyi eng' kong'asiis, ak kagibwa kilasu ineendet.”

MARIKO 11:7

Ak kiget moitap sigiryet konyo ole mi Jeso, ak kiito ngoroikwak eng' sigiryet; ak ki tebee `Jeso sigiryonooto.

LUKA 24:27

Ak ki toi kobooch Musa ak maotik tugul, ak ki iarorchi icheek eng' siruutik tugul ng'aleek agobo ineendet.

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 19:15

Kobolyo pichooto kole, “Iste ineendet! Iste ineendet! Igartaat ineendet!” Koleenji Pilato anyun icheek, agartaat laitoryandeng'wong'? Kowol tisiik che eecheen, kole, ma kitinye laitorya kobatee Caesarea.

KIRUOGIK 10:4

Ki tinyei weeriik sosom che ki laanyei moek sosom che po sigiroik, ak ki tinyei nganasook sosom che kiguure Habot-jair agoi ra, che mi emetap Gilead.