SEKARIA 9:10 - BUKUIT NE TILIIL Sireet ne Dutero Kanon

¹⁰ Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

Bukuit Ne Tilil

¹⁰ Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

BUKUIT NE TILIL

¹⁰ Ak ang’em karitab luget eng’ Epraim, koboto mbartanyit eng’ Jerusalem, ak kiges kwangetab boriet; ak komwachi bororiosiek kalyet: ak iboch bounatennyi nyanjet age agoi nyanjet age, ak koboch Ainet agoi tabanwekab ng’ony.

SEKARIA 9:10 Referencias Cruzadas

1 LAITORINIK 4:21

Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 72:3

Ipchin tuloonook piiguk kaalyeet, Ak ipchin tuloonook che mengeechen piiguk imanda.

TIENWOGIKAL 85:8

Nan agas kiit ne mwaei Kamuktaindet, Kamuktaindet ne Toroor; amu mwachin kaalyeet piikyik, chechiik che tiliileen; ago amat kota koweekyigei perberyo.

TIENWOGIKAL 89:26

Riirchino koleen, Ii abba inyee, Kamuktaindennyu, ak rwandetap yetunennyu.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 2:4

Ak korwooksechin `ineendet pororyosyek, ak koger kong' piik che chaang'. Ak kotany rotonikwak po chok koek mogomboik che po tuuga, ak kotany ng'otwekwak koek chepkesok; si ma kobaregei pororyosyek, ama koneetegei lugeet kogeny.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 60:12

Amu lusei pororyet ak pounateet ne ma poisyeun; ee, king'emei pororyosyechooto kobetyo.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 2:18

Eng' peetuunooto ayae arorutyet agobo icheek kobooto tyong'igap timiin ak toriitigap parak, ak tuguuk che ichuutegei ng'wony. Ak airii kwanget ak rotwetap chok, ak aiste lugeet eng' emet, ak agoochi koruiyo eng' chametapkei.

HOSEA 2:20

Achobe atunin eng' imanda; ak inai Kamuktaindet ne Toroor.

MIKAH 4:8

Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

MIKAH 5:4

Ak kotonon kobai akweennyi eng' kimnateetap Kamuktaindet ne Toroor, eng' telunatetap kainetap Kamuktaindet ne Toroor Kamuktaindennyi: ak kotebi; amu eetu kobooch nguno agoi ole poochin ng'wony.

MIKAH 5:9

Ingitoroor eung'ung' eng' paragutap puuniguk, ak ingeisto puuniguk tugul.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

2 KORINTOEK 5:18

Ago po tuguuk tugul Kamuktaindet ne kiituiyenechkei eng' Kristo, ak ki koonech acheek poisyet ne po katuiyet;

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

NG'ATUTIK 11:24

Punjinok oldo tugul ole katyech keelyekwok. Egu kiwoteng'wong' kobooch surkwen ak Lebanon ak kobooch aineetap Yufrets agoi nyanjetap Mediterenian nooto tokyingei ole roroktoe asiista.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”