SEKARIA 8:3 - BUKUIT NE TILIIL Sireet ne Dutero Kanon

³ Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

Bukuit Ne Tilil

³ Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

BUKUIT NE TILIL

³ Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

SEKARIA 8:3 Referencias Cruzadas

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 48:1

Oo Kamuktaindet ne Toroor, ak kanyool kilas miising' eng' nganaseennyi ak eng' tulweennyi ne tiliil.

KOMONG'U 29:45

Amenye kwenutap piigap Israel ak aegu Kamuktaindennywa.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 1:26

Aweegu kirwoogiguk ko uu eng' tai, ak aweegu kotigoniguk ko uu eng' tai. Ye ibata nooto keguurenen Nganaseetap Imanda, nganaseet ne kiyani.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 32:16

Tebee anyun kirwooget surkwen, ak kotebee imanda mbareet ne rurei.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

ISAIAH 8:18

Ogeero, anee ak lagok che ki koono Kamuktaindet ne Toroor ko ki kaboorunoik ak kwang'utik eng' tugul, che punu Kamuktaindet ne Toroor ne po lugoosyek, ne menyei tulweetap Zion.

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

JEREMIA 31:23

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ta komwaei kogeny icheek ng'aleechu eng' emetap Judah ak eng' nganasookyik, ye tuun aweech kogeny eng' ole ki kimut kole: Ingoberuurin Kamuktaindet ne Toroor, ee meng'ootetap imanda, ee tulweetap tiliilindo.

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

JOEL 3:21

Ak aanyiny korotiikwak che tomo aanyiny: amu menyei Kamuktaindet ne Toroor Zion.

MIKAH 4:1

Ki kimiti eng' peetuusyek che po let tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak kotendenji pororyosyek.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEKARIA 1:16

Ko uu nooto mwaei Kamuktaindet ne Toroor ne po lugoosyek kole kaaweekyigei Jerusalem ariiree; ki teekyin koonnyu nganasanooto, ak kechuul porowet ne kikwaise eng' Jerusalem.’ ”

SEKARIA 12:6

Ayae eng' peetuunooto pounigap Judah koigei rokyietap maat ne mi kweenik, ak koigei kegenget ne mi kwenutap ratuutigap peek; ak kogees piik tugul che mi komoswek tugul che mi eutap tai ak che mi murot kaataam: ak komeny Jerusalem kogeny komostanyi, nooto ko Jerusalem.

SEKARIA 14:10

Kiwolei emet tugul koigei Arabah, kobooch Geba agoi Rimon murot tai ne po Jerusalem; ak kieeti, ak komeny oldanyi, kobooch ormariichetap Benjamin, agoi komostap ormariichet ne po tai, agoi ormariichetap luuita, kobooch teekseet ne kooi ne po Hananel, agoi komoswegap laitoryat ole kitue sabibuk.

SEKARIA 8:16

Chu tuguuk che tuun oyae: Ingomwachi chii age tugul eng' okweek chiitap kokwennyi imanit; oyai kirwooget ne po imanit ak kaalyeet eng' ormariichokwok.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

NG'ANG'UTYET 21:10

Ak ki imuta eng' Kabuuset ne Tiliil agoi tulweet ne oo ak ko kooi, ak ki iboorwo nganaseet ne tiliil Jerusalem, kochoorugei eng' kipsengwet kobunu Kamuktaindet,

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;