SEKARIA 8:3 - BUKUIT NE TILIL

³ Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

Bukuit Ne Tilil

³ Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

BUKUIT NE TILIIL Sireet ne Dutero Kanon

³ Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

SEKARIA 8:3 Referencias Cruzadas

TIENWOGIKAL 2:6

Ago kande laitoriandennyu Tulwennyu ne tilil ne bo Sion.

TIENWOGIKAL 48:1

O Jehovah, ak kanyol kilos mising’, Eng’ nganaset ne bo Kamuktaindennyo eng’ tulwennyi ne tilil.

KOMONG'U 29:45

Ak ameny kwenutab lagokab Israel, ak aegu Kamuktaindenywa.

ISAIAH 1:21

Kaegundo ano chepkugoniot nganaset ne ko bo iman, ne kotinyei kiruoget ne bo iman! Komenyei imanda nganasanato, ago nguno komi rumik.

ISAIAH 1:26

ak aweegu kiruogiguk ko u eng’ tai, ak aweegu kotigoniguk ko u eng’ tai: ye ibata noto keguurenen Nganasetab Imanda, nganaset ne kiyani.

ISAIAH 11:9

Ma ito kiy chi anan kong’emis eng’ tulwennyu tugul ne tilil: amu nyiiei ng’ony naetab Jehovah ko u ye nyiiei beek nyanjet.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 32:16

Komeny anyun kiruoget ong’atet, ak kotebe imanda mbaret ne rurei.

ISAIAH 60:14

Ak kobwanjin werikab icheget che kiinyalilin kong’urugonu; ak kogutung’so eng’ keldebesaikab kelyeguk ichek tugul che kisasin; ak koguurenen, Nganasetab Jehovah, Sion ne bo Inendet ne Tilil ne bo Israel.

ISAIAH 65:25

Ageti suiyot ak aruetab kechir, ak koam ng’etundo suswek ko u teta: ak koek ng’ung’unyek amitwogikab erenet. Ma itoi kiy chi anan kong’emis eng’ tulwennyu tugul ne tilil, mwaei Jehovah.

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

ISAIAH 8:18

Ogeero, ane ak lagok che kigona Jehovah ko ki kaborunoik ak kwong’utik eng’ tugul, che bunu Jehovah ne bo lugosiek, ne menyei tulwetab Sion.

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 33:16

Kisoru Juda eng’ betusiechoto; ak komeng’is Jerusalem eng’ chametab ge; ak ni kainet ne kimwaitoe, Jehovah ko imandanyo.

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

DANIEL 9:16

Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

JOEL 3:17

Onai anyun ole a Jehovah Kamuktaindeng’wong’, amenye Sion tulwennyu ne tilil: tililitu anyun Jerusalem, ama kobunei toek kogeny.

JOEL 3:21

Ak aanyiny korotikwak che tom aanyiny: amu menyei Jehovah Sion.

MIKAH 4:1

Ago kigimiti eng’ betusiek che bo let tulwetab gotab Jehovah eng’ tulonok barak, ak kitorori kosiir tulonok che mengechen; ak kotendenji bororiosiek.

SEPANIA 3:13

Ma koyaei tengekto bik che king’et che bo Israel, ama komwaei lembechek; ama kinyorjin ng’olyot ne bo ng’alset kutuswekwak: amu tun amisiei ak koruiyo, ama biitu chi ne imui ichek.

SEKARIA 1:16

Mwaei anyun Jehovah ko u ni kole: Kaaweekyige Jerusalem arire; kiteechei gonnyu nganasanato, mwaei Jehovah ne bo lugosiek, ak kechuul borowet ne kikwaise, eng’ Jerusalem.

SEKARIA 12:6

Ayae eng’ betunoto bounikab Juda koigei rokyietab mat ne mi kwenik, ak koigei kegenget ne mi kwenutab ratutikab bek; ak koges bik tugul che mi komoswek tugul che mi eutab tai ak che mi eutab katam: ak komeny Jerusalem kogeny komostanyi, noto ko Jerusalem.

SEKARIA 14:10

Kiwalei emet tugul koigei Araba, koboch Geba agoi Rimon murot ne bo tai ne bo Jerusalem; ak kieeti, ak komeny oldanyi, koboch ormarichetab Benjamin, agoi komostab ormarichet ne bo tai, agoi ormarichetab luita, koboch teekset ne koi ne bo Hananel, agoi komoswekab laitoriat ole kitue sabibuk.

SEKARIA 8:16

Chu tuguk che tun oyae; Ingomwachi chi age tugul eng’ okwek chitab kokwennyi imanit; oyai kiruoget ne bo imanit ak kalyet eng’ ormarichokwok:

SEKARIA 8:19

Mwaei Jehovah ne bo lugosiek ko u ni kole: Egu eng’ gotab Juda boiboiyet ak kagasetab ge, ak igorwekab boiboiyet, karugutetab ge ne bo arawetab ang’wan, ak ne bo arawetab mut, ak ne bo arawetab tisab, ak ne bo arawetab taman; ocham anyun imanit ak kalyet.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 14:23

Kowolji Jesu kolenji, Ngo chama chi, korib ng’olyondennyu: ak kocham Baba inendet, ak kebwanji inendet, ak kemeny koboto inendet.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

KOLOSAIK 2:9

amu menyei eng’ inendet eng’ borto nyiiet tugul ne bo Jehovah,

NG'ANG'UTYET 21:10

Ak kiimuta eng’ Tamirmiriet agoi tulwet ne o ak ko koi, ak kiiborua nganaset ne tilil Jerusalem, kochorugei eng’ kipsengwet kobunu Jehovah,

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 21:3

Ak kiagas kutit ne o komong’une ng’echeretab laitornatet kole, Ogeero, mi emaitab Jehovah ak bik, ak kotebyei koboto ichek, ak koek ichek bikyik, ak kotebyei Jehovah inendet ak ichek, ak koek Jehovah nenywa: