SEKARIA 2:9 - BUKUIT NE TILIIL Sireet ne Dutero Kanon

⁹ Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

Bukuit Ne Tilil

⁹ Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

BUKUIT NE TILIL

⁹ Ogeero, ang’werei ichek, ak koek luulenik eng’ ichek che kiotei ichek: ak onai ole kiiyokwa Jehovah ne bo lugosiek.

SEKARIA 2:9 Referencias Cruzadas

ISAIAH 10:32

Tonone Nob eng' peetuuni po rani, ing'wereri tulweetap cheptap Zion, tulweetap Jerusalem.

ISAIAH 11:15

Ak kong'em Kamuktaindet ne Toroor kowong' ng'elyeptap nyanjetap Misiri; ak kotwaitwai eunnyi kotokyi aineet eng' usoonennyi ne peelsei, ak kobir kobiitune ainoosyek tisabu, ak kogoochi piik kolanda kolaagoti kweonik.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 13:2

Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 19:16

Eng' peetuunooto, ko kergeitu Misiri ak kwonyiik. Potani icheek ak koiyweisyei amu twaitwaetap eutap Kamuktaindet ne Toroor ne po lugoosyek, ne twaitwai eng' paragunnyi.

ISAIAH 26:1

Tuun kityeni tyeni eng' emetap Judah eng' peetuunooto: Ki tinyei acheek nganaseet ne kiim; ng'atei ineendet yetunet koek inatusyek ak irimoik.

ISAIAH 33:1

Pwo eng' inyee ne ing'emisyei, ama king'emin; ak ne iberberisyei, ama iberberin icheek! Ye ma ing'emisyei, keng'emin, ak ye ma iberberisyei, koberberin icheek.

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 33:23

Kagitustus porooniguk; ma imuuch kogimit kelutap toloitap melinnywa, ma imuuch koiito angeetap meeliit. Kipcheak anyun parunenigap tuguuk che chaang' che ki kiluul; ki nam che ing'waldos parunenik.

ISAIAH 4:5

Yeityo koyai Kamuktaindet ne Toroor pooldet ak iyeto eng' peet kouur meng'ooteet tugul ne po tulweetap Zion, ak maat ne liplibeni ak ne iluu kemoi; amu tuchei toroornatet komugul kiit ne kiuure.

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 60:18

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

JEREMIA 28:9

Maotyot ne maoteni agobo kaalyeet, ye kagosulda ng'olyoondennyi, konaaksei maotyondonooto, keele, ki iyoogu Kamuktaindet ne Toroor iman.

JEREMIA 8:19

Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

EZEKIEL 39:10

kot koma kobutei icheek kweenik anan koluul keet age tugul eng' osnosyek, amu tuun ilaale maat kariigap lugeet; ak koluul tuguugap piik che kiga koluulei icheek, ak korebe tuguuk piik che kiga korebe icheek, mwaei Kiptaiyat Kamuktaindet ne Toroor.

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

HABAKUK 2:17

Amu tuchin koroomnateet ne ki kiyachi Lebanon, kobooto parisyetap tyong'ik, ne ki igoochi icheek koiyweis; amu korotiigap piik, ak koroomnateet ne ki kiyachi emet, kobooto nganaseet ak piik tugul che menyei olooto.

HABAKUK 2:8

Amu ki iluul pororyosyek che chaang', luulin aginye piik tugul che ng'etunotiin; amu korotiigap piik, ak amu koroomnateet ne ki kiyachi emet, ak nganaseet ak piik tugul che menyei olooto.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

SEPANIA 3:15

Kagoisto Kamuktaindet ne Toroor kirwoogutiguk, ki koon punyondeng'ung'. Mi kwenung'ung' laitoryatap Israel, ineendet Kamuktaindet ne Toroor; ma iywei yaityet agoi.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

SEKARIA 2:8

Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi.

SEKARIA 4:9

ki lumei Zerubabel lumeiywotap koi; ak ko eunekyik che igeesu kogeny; ak inai ile Kamuktaindet ne Toroor ne po lugoosyek ne ki iyookwo anyo ole omi.

SEKARIA 6:15

Ak kobwa icheek che mi ole loo ak koteech Hekaluutap Kamuktaindet ne Toroor, ak onai ole ki iyookwo Kamuktaindet ne Toroor ne po lugoosyek anyo ole omi. Ak isuldoi niito, ngot ogas iit eng' kagiiletapkei kutitap Kamuktaindet ne Toroor Kamuktaindeng'wong'.

SEKARIA 9:15

Ak koriip Kamuktaindet ne Toroor ne po lugoosyek icheek; ak kogees ak kotyekyi ng'wony koik che ki wiirtoe porowet; ak koeeiso ak kowaakyo ko uu che kae divaik, ak kinyiit ko uu taabook, ko uu luukwegap kaptisisyet.

JOHANA 13:19

Kasip amwaiwok kobooch nguno kotom kosulda, si ye isulda, oyan ole aa ineendet.

JOHANA 16:4

Ago kaamwaiwok tuguuchu, si ye nyo sainnywa, omuuchi obwaat ole ki amwaiwok agobo chuuto. “Ago ki ma amwaiwok tuguuchu eng' taunet, amu ki ami kobootok.