SEKARIA 2:8 - BUKUIT NE TILIIL Sireet ne Dutero Kanon

⁸ Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi.

Bukuit Ne Tilil

⁸ Mwaei Kamuktaindet ne Toroor ne po lugoosyek ne kagoyookta ineendet agobo toroornatennyi, awo ye mi pororyosyek che kiluulok, kole “Ee iman, ineendet ne twook, ko katwa laptetap kondanyi.

BUKUIT NE TILIL

⁸ Amu mwaei Jehovah ne bo lugosiek kole, Kagoyokta inendet agobo torornatennyi, awa oldab bororiosiek che kiluulok, amu inendet ne twaok, ko katwa laptetab kondanyi.

SEKARIA 2:8 Referencias Cruzadas

TAUNET 20:6

Ak ki mwachi anyun `Kamuktaindet ineendet eng' karwotitoet, koleenji, “Wei, angen ale ki iyai ko uu ni eng' muguleldo ne po iman. Agot anee ko ki aeetenen si meyaiywo tengek. Nooto anyun amu nee si ma achamun itwaa ineendet.

2 LAITORINIK 24:2

Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

TIENWOGIKAL 17:8

Riibo ko uu laptetap konda, ung'ena urwetap kebebaiguk,

KALEWANAIK 7:2

Riip kayomisutikyuk si isap; riip kaneetisyennyu ko uu ye iriibe laptetap kondang'ung'.

ISAIAH 49:19

Amu mariigitu komosweguk che kigemeto, ak che ki koguber, ak emeng'ung' ne kigeng'em, iman mariigityin piik che menyei, ak kolooegitu icheek che kiluguin.

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

EZEKIEL 25:12

Mwaei Kiptaiyat Kamuktaindet ne Toroor kole: Amu ki koyai ne ya Edom koyaaktochigei mugetuut eng' kootap Judah, ak ki koyai yaityet ne oo, koyaaktochigei mugetuut;

EZEKIEL 25:15

Mwaei Kiptaiyat Kamuktaindet ne Toroor kole: Amu kagoyaakta mugetuut Philistiik, ak kagoyaaktochigei mugetuut eng' koroomnateet ne mi saboondo si kobiit kong'emis eng' puunyoondit ne po agoi;

EZEKIEL 26:2

Ee, weeriitap chii, amu ki komwa Tyro agobo Jerusalem kole, haa, kogobutok ineendet ne ki kurgeetap pororyosyek; kagoweekyagei: kitesa anyun achang'ait, amu kagong'emak ineendet;

EZEKIEL 26:20

achoorten anyun kobooto icheek che choorchingei keriinget, ole mi piik che po keny, ak agoonin imeny ng'wony oriit, eng' komoswek che ki koek surkwen kobooch keny, kobooto icheek che choorchingei keriinget, si ma ki menyin; ak ande toroornatet emetap piik che saptos:

EZEKIEL 35:5

Amu itinye puunyoondit ne po kotugul, ak ki igoite piigap Israel kebar eng' kimnateetap rotwetap chok eng' peetuutap nyalildanywa, eng' peetuusyegap yaityet ne po let:

EZEKIEL 36:11

ak ateswok piik ak tyong'ik; ak kotesak ak koiiyo: ak kemenyok ko uu peetuusyekwok che po tai, ak ayaiywok ne myee kosiir eng' tai: si onai ole aa Kamuktaindet ne Toroor.

EZEKIEL 38:11

ak imwa ile, Atogostoi emetap nganasook che ma tinyei irimoik; awendi ole mi icheek che mi eng' kaalyeet, che meng'iisyei eng' chametapkei, meng'iisyei icheek tugul ama tinyei irimoik, ama tinyei temeleiywek anan ormariichok:

EZEKIEL 38:14

Maoten anyun, ee, weeriitap chii, ak ileenji Gog, Mwaei Kiptaiyat Kamuktaindet ne Toroor kole: Eng' peetuut ye tuun kameng'iis piikyuk Israel eng' chametapkei, ko tos menae?

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

AMOS 1:13

Mwaei Kamuktaindet ne Toroor kole: Maawechi pireet ne abire lagogap Ammon amu pistaosyekyik somok, ee agot ang'wan; amu kogogereer kwonyiik che tamonosyek che po Gilead, kole si kobiit kotes kiwotennywa.

AMOS 1:9

Mwaei Kamuktaindet ne Toroor kole: Ma aweechi pireet ne abire Tyro amu pistaosyekyik somok, ee agot ang'wan; amu ki igoito piik tugul koba Edom, ama ibwaat kayomisutyet ne po che tupcho.

MIKAH 4:11

Kagoyumjingei anyun pororyosyek che chaang' che leen, Ingong'wanit, ak ongetang'aang'ji Zion.

MIKAH 5:6

Ak kong'em emetap Assyria eng' rotwetap chok, ak kong'em emetap Nimrod eng' ole kibunei kebendi olooto; ak kosarwech ineendet eng' Assyrianindet ye tuun kait emennyo, ye tuun kanyo kotyech oriit eng' kiwotennyo.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

HABAKUK 2:17

Amu tuchin koroomnateet ne ki kiyachi Lebanon, kobooto parisyetap tyong'ik, ne ki igoochi icheek koiyweis; amu korotiigap piik, ak koroomnateet ne ki kiyachi emet, kobooto nganaseet ak piik tugul che menyei olooto.

HABAKUK 2:8

Amu ki iluul pororyosyek che chaang', luulin aginye piik tugul che ng'etunotiin; amu korotiigap piik, ak amu koroomnateet ne ki kiyachi emet, ak nganaseet ak piik tugul che menyei olooto.

SEPANIA 2:8

Ki agas chotisyetap Moab, ak churisyosyegap lagogap Ammon, che kichote piikyuk, ak kochaunegei kiwotennywa.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

SEKARIA 2:9

Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

SEKARIA 8:5

Ak konyi ortinwek che po nganaseet ng'etiik ak tiibiik che urerendos eng' ortinwechooto?

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

MATAYO 25:45

Kowolji anyun kole, ‘Amwaiwok iman ale, ko uu ye ma oyachi agenge eng' chu mengech eng' tugul, koma oyaiywo.’

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 17:18

Ko uu ye ki iyookwo anyo ng'wony, ko uu nooto kaayookte icheek koba ng'wony.

POISYONIGAP CHE KIYOKTOI 9:4

Ki ibutyi, ak kogas kutit koleenji ineendet, “Saulo, Saulo, amu nee si iusa?”

NG'ATUTIK 32:10

Kinyoorchi ineendet surkwen, eng' surkwen ne imuisei ne ma mi kiy. Kiyiem ak koriip icheek ki riip `ineendet icheek ko uu laptetap kondanyi.

2 THESSALONIKEK 1:6

si ngo kiy ne po imanda eng' Kamuktaindet koyaakyi mugetuut ne po nyalilda icheeget che inyalilok,

1 JOHANA 4:14

Ak ki kegeer ak kebaoryani keele ki iyook `Kwanda Weeriit konyo koek Yetindetap ng'wony.