SEKARIA 14:21 - BUKUIT NE TILIIL Sireet ne Dutero Kanon

²¹ Ee, kitiliiljin Kamuktaindet ne Toroor ne po lugoosyek tereet age tugul eng' Jerusalem ak eng' Judah; ak kobwa icheek tugul che eng'sei, koip tereenichooto ak koyoise: ama komiitei kogeny eng' peetuunooto chemung'araindet eng' kootap Kamuktaindet ne Toroor ne po lugoosyek.

Bukuit Ne Tilil

²¹ Ee, kitiliiljin Kamuktaindet ne Toroor ne po lugoosyek tereet age tugul eng' Jerusalem ak eng' Judah; ak kobwa icheek tugul che eng'sei, koip tereenichooto ak koyoise: ama komiitei kogeny eng' peetuunooto chemung'araindet eng' kootap Kamuktaindet ne Toroor ne po lugoosyek.

BUKUIT NE TILIL

²¹ Ee, kitililjin Jehovah ne bo lugosiek teret age tugul eng’ Jerusalem ak eng’ Juda; ak kobwa ichek tugul che eng’sei, koib terenichoto ak koyoise: ama komitei kogeny eng’ betunoto chemung’araindet eng’ gotab Jehovah ne bo lugosiek.

SEKARIA 14:21 Referencias Cruzadas

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 4:3

Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

EZEKIEL 44:9

Mwaei Kiptaiyat Kamuktaindet ne Toroor kole ma wendi oldanyu ne tiliil toondet age tugul ne Pororyosyek che ma kimuratan muguleldo ak poorto, agot toondet age tugul ne mi kwenutap piigap Israel.

EZEKIEL 45:1

Ak ye opchee emet eng' seretap parbareek koek poroteet, ogoochi Kamuktaindet ne Toroor kagoochinet, kebeberta ne tiliil ne po emet: egu koindo tegat eliphuusyek tiptem ak muut, ak koek tebeesindo eliphuusyek taman: egu emonooto ne tiliil eng' kiwotennyi tugul eng' komoswek tugul.

HOSEA 12:7

Chemung'araindet ineendet, mi eunnyi tuguugap lembech che kegerisye che po ng'aalseet: chamei kochiile piich.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

SEPANIA 1:11

Owaach okweek piik che omenye Maktes, amu kabek chemung'arainik tugul: ak ki parei icheek tugul che ki tinyei fedhaisyek ng'iisyat.

SEKARIA 14:20

Tuun kisirchin eng' peetuunooto cheptingiloogap paraisisyek kole, “Tiliil eng' Kamuktaindet ne Toroor.” Ak igeitu tereenik che mi kootap Kamuktaindet ne Toroor taabook che mi taitap kaptisisyet.

SEKARIA 7:6

Ak ye oame, ak ye oee, ko tos moamjinigei, ak oeechinigei?

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.