SEKARIA 14:20 - BUKUIT NE TILIIL Sireet ne Dutero Kanon

²⁰ Tuun kisirchin eng' peetuunooto cheptingiloogap paraisisyek kole, “Tiliil eng' Kamuktaindet ne Toroor.” Ak igeitu tereenik che mi kootap Kamuktaindet ne Toroor taabook che mi taitap kaptisisyet.

Bukuit Ne Tilil

²⁰ Tuun kisirchin eng' peetuunooto cheptingiloogap paraisisyek kole, “Tiliil eng' Kamuktaindet ne Toroor.” Ak igeitu tereenik che mi kootap Kamuktaindet ne Toroor taabook che mi taitap kaptisisyet.

BUKUIT NE TILIL

²⁰ Tun kisirjin eng’ betunoto chepchingilokab mbartanyisiek kole, TILIL ENG’ JEHOVAH; igeitu terenik che mi gotab Jehovah tabok che mi taitab kaptisisiet.

SEKARIA 14:20 Referencias Cruzadas

1 LAITORINIK 7:50

kigombok, magasisyek che kitile ole lalei eng' taisyek, taabook che mengeechen, kechigosyek, tereenik che ki ibe maat, ki po thahabu che tiliileen; kobooto kariik che namei kereiywotap kurgeet, che po kereiywegap kurgotigap koot ne po oriit, ole-tiliil miising', ak che po kurgotigap koot, nooto ko Hekaluut, ki po thahabu.

2 ATEPTAP PEETUUSYEK 4:8

Ak ki yai kogeny mesosyek taman, ak konde Hekaluut, ki inde muut komostap eutap tai, konde muut komostap murot kaataam. Ak ki yai taabook pogol che mengeechen che po thahabu.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

KOMONG'U 25:29

Itaany thahabu che tiliileen iyai koek taabookyik, kechigosyekyik, kigombokyik ak tageiywekyik che kiroong'jine tuguuk.

KOMONG'U 37:16

Ki yai kora eng' thahabu che tiliileen tuguuk che ki mi meset parak, taabookyik, kechigosyekyik ak tageiywekyik ak kigombokyik che kiroong'jine tuguuk.

KOMONG'U 39:30

Ki itaany naaryeet ne tiliil, eng' thahabu che korooron ak ki sirchi siruutik kogergeit ak waet ne po ng'ookset kole, “Tiliil eng' Kamuktaindet ne Toroor.”

ISAIAH 23:18

Ak koek mung'arennyi ak melektanyi tiliilindo eng' taitap Kamuktaindet ne Toroor: ma kigonori ama kibasei, amu punjin mung'arennyi icheek che menyei taitap Kamuktaindet ne Toroor, si koam kobiyong'so, ak kolaach ngoroik che po telunateet.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

JEREMIA 31:40

Ak koek ne tiliil eng' Kamuktaindet ne Toroor atebweet komugul ne po muuswek, ak ne po oreek, ak mbareenik tugul che itei kererutap Kidron, agoi luuita ne po ormariichetap paraisiit ne tokyingei kong'asiis; ma kitutu, anan kebut kogeny agoi.

EZEKIEL 45:1

Ak ye opchee emet eng' seretap parbareek koek poroteet, ogoochi Kamuktaindet ne Toroor kagoochinet, kebeberta ne tiliil ne po emet: egu koindo tegat eliphuusyek tiptem ak muut, ak koek tebeesindo eliphuusyek taman: egu emonooto ne tiliil eng' kiwotennyi tugul eng' komoswek tugul.

ATEPTAP LAWIK 6:28

Kituei tereet ne kagiyoe panyechooto. Ngo kagiyoe tereetap sugunwet, kesitei ak kechurukta eng' peek.

ATEPTAP LAWIK 8:9

Ki igonor naaryeet metitap Aron ak konde komostap togoch kiit ne tiliil ne po thahabu, ko uu ye ki ng'at `Kamuktaindet ne Toroor Musa.

OBADIA 1:17

Ago piitu che chilildos eng' tulweetap Zion, ak kotiliilit; ak konam kootap Jakobo tuguugap pichooto, kobunji.

SEPANIA 2:11

Egu Kamuktaindet ne Toroor kamuiset eng' icheek; amu iteenyi `ineendet kamuktaik tugul che po ng'wony, ak kolas piik tugul ineendet, ilasu chii age tugul eng' oldanyi, kobooto ngeguusyek tugul che po pororyosyek.

SEKARIA 14:19

Egu niito piretap Misiri, ak piretap pororyosyek tugul che ma togosta koba igoorto ne po keryosyek.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

SEKARIA 9:15

Ak koriip Kamuktaindet ne Toroor ne po lugoosyek icheek; ak kogees ak kotyekyi ng'wony koik che ki wiirtoe porowet; ak koeeiso ak kowaakyo ko uu che kae divaik, ak kinyiit ko uu taabook, ko uu luukwegap kaptisisyet.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

KAITOSYEK 4:14

Yeityo konde paragunnyi tuguukyik tugul che kiboisyee eng' kaptisisyonooto, tereenik, kariik che sogotiin, kechigosyek che eecheen ak taabook che mengeechen. Ingotuge tuguuchooto tugul magatogap mengichigap peek ak korooch keetiikyik che ki ibe.

KAITOSYEK 4:7

“Ingoitoe pichooto angeet ne buluu meset ne po magatiinik che po kabartaet ak konde paragunnyi taabook, kechigosyek, tageiywek ak kigombok che kiroong'jine tuguuk ak tebee paragunnyi magatinigap kotugul.

KAITOSYEK 7:13

Kagoochinnyi ko ki sanit agenge ne po fedha, ne yamei nyigiisindanyi shekelisyek pogol ak sosom, ak taabeet ne po fedha ne yamei nyigiisindanyi shekelisyek tamanwogik tisap, ko uu shekel ne po ole-tiliil, kinyiitotin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek;

KAITOSYEK 7:19

sanit agenge ne po fedha ne yamei nyigiisindanyi shekelisyek pogol ak sosom, taabeet agenge ne po fedha ne yamei nyigiisindanyi shekelisyek tamanwogik tisap, ko uu shekel ne po ole-tiliil; ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinet ne po peek;

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

POISYONIGAP CHE KIYOKTOI 10:15

Ki nyoonji anyun tweguunet kogeny ne po aeng' koleenji, “Kiit ne kagotiliil Kamuktaindet, ko mata ile ng'waan.”

POISYONIGAP CHE KIYOKTOI 10:28

koleenji anyun icheek, “Ongen okweek ole kiy ne eesyoot eng' ng'atuutik eng' chii ne Yahudyo konamgei ak chii ne po poror age anan konyo ole mi; ago kagoboorwo anee Kamuktaindet kole si mata aguure chii age ne ma tiliil anan ne ng'waan.

POISYONIGAP CHE KIYOKTOI 11:9

Ago ki wol kutinooto ne po aeng' kobunu kipsengwet kole, ‘Amata ing'wanit kiit ne kagotiliil Kamuktaindet.’

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”

1 SAMUEL 2:14

si korookta karnanooto tereet oriit anan kibiriget anan saburyet anan ko tereetap ng'ung'unyek si koipchigei `tisiindet panyeek tugul che kainem karnanooto. Ki yachin ko uu nooto piigap Israel tugul eng' Shiloh che kibwanei yooto.