RUTH 1:21 - BUKUIT NE TILIIL Sireet ne Dutero Kanon

²¹ Ki awendi ko aa nyiitaat, ak kogomutwaa `Kamuktaindet ne Toroor kaa ami puch. Amu nee si oguureno Chebaibai ko ki kobaoryan Kamuktaindet ne Toroor kogikyo, ak konyaliila Ineendet Ne po Kamuktaet?”

Bukuit Ne Tilil

²¹ Ki awendi ko aa nyiitaat, ak kogomutwaa `Kamuktaindet ne Toroor kaa ami puch. Amu nee si oguureno Chebaibai ko ki kobaoryan Kamuktaindet ne Toroor kogikyo, ak konyaliila Ineendet Ne po Kamuktaet?”

BUKUIT NE TILIL

²¹ Kiawendi ko a nyiitat, ak kogomutwa Jehovah ga ami buch: amu nee si oguurena Naomi, amu kigobaorian Jehovah kogikya, kigonyalila Inendet ne bo Kamuktaet?

RUTH 1:21 Referencias Cruzadas

Kitabuutap JOB 1:21

Ak ki le, “Ki kisicho aach ngor, ak aweeksei aach ngor. Ki koonu Kamuktaindet ne Toroor, ak kagoweech Kamuktaindet ne Toroor. Iberuurot kainetap Kamuktaindet ne Toroor.”

Kitabuutap JOB 10:17

Ileelityina paoriniguk, ak ites nereegeguk agobo anee; iyookyina kiplugotinik che tomo kobwonjino.

Kitabuutap JOB 13:26

Amu ki isir ng'aleek che ng'woneen agobo anee, ak igoono tengekwogigap ming'inatennyu anam kobunjo.

Kitabuutap JOB 16:8

Kaigiicha miising', nooto ne paoryanjino; ng'eetyina sagitennyu, kobaoryanjino kimni agobo tengekwogikyuk.

Kitabuutap JOB 30:11

Amu ki kotyach porowennyi ak konyalila, ki ireek eng' tainnyu kiit ne rang'egei.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

RUTH 1:13

ko tos ogen kot koechegitu? Tos otebii koma kitunook? Achicha tiibiikyuk! Ki kong'wanit miising' eng' anee kosiirook, amu ki konyaliila eutap Kamuktaindet ne Toroor.”