NG'ATUTIK 4:29 - BUKUIT NE TILIIL Sireet ne Dutero Kanon

²⁹ Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

Bukuit Ne Tilil

²⁹ Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

BUKUIT NE TILIL

²⁹ Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

NG'ATUTIK 4:29 Referencias Cruzadas

2 LAITORINIK 10:31

Ago ma mage kiy Jehu kowendote ng'atuutigap Kamuktaindet ne Toroor, Kamuktaindetap Israel, eng' muguleldanyi tugul. Ma istoegei tengekwogigap Jeroboam, che ki ibeete Israel si koyai tengekto.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

2 ATEPTAP PEETUUSYEK 15:12

Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

2 ATEPTAP PEETUUSYEK 15:15

Kiboiboitu Judah tugul amu kayasyonooto; amu kigayosyo eng' mugulelwekwak tugul, ak kocheeng' ineendet eng' magennywa tugul, ak kinyoor ineendet. Ki igoochi anyun `Kamuktaindet ne Toroor icheek kamuung'et eng' tabanwekwak tugul.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 15:4

Ago kingo weekyigei Kamuktaindet ne Toroor, Kamuktaindetap Israel, eng' nyalildanywa, ak kocheeng' ineendet, konyoor ineendet.

2 ATEPTAP PEETUUSYEK 31:21

Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

NEEMIA 1:9

ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

NEEMIA 9:27

Nooto anyun, ki inde icheek eunegap puunikwak, che kiim icheek. Ago eng' peetuusyegap nyalildanywa, koriirchin. Ki igas eng' kipsengwet, ak ko uu eng' rireenosyeguk che chaang', ko ki igoochi icheek saruunik che ki sar icheek eng' eunegap puunikwak.

TIENWOGIKAL 119:10

Ki acheeng'in eng' muguleldanyu tugul; amegoono alooitune ng'atuutiguk.

TIENWOGIKAL 119:145

Ki aguurse eng' muguleldanyu komugul; wolwo, ee Kamuktaindet ne Toroor; ariibe ng'atuutiguk.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 119:58

Ki ariirchi chamyeng'ung' eng' muguleldanyu komugul; rirena ko uu ng'olyoondeng'ung'.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 51:50

Oba okweek, che ki ochilile rotwetap chok, amotonon; obwaat Kamuktaindet ne Toroor omi ole loo, ak obwaat Jerusalem.

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

AMOS 5:4

Amu mwachin Kamuktaindet ne Toroor kootap Israel kole: “Ocheeng'a si osapche!

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

NG'ATUTIK 11:13

Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 26:16

“Kang'atiin rani Kamuktaindet ne Toroor Kamuktaindeng'ung' iyai kaneetisyosyechu ak kirwoogutichu. Riip anyun ak iyai eng' muguleldang'ung' komugul ak eng' saboondang'ung' komugul.

NG'ATUTIK 30:10

ngigas iit kutitap Kamuktaindet ne Toroor Kamuktaindeng'ung', iriip ng'atuutikyik ak kaneetisyosyekyik che siraatiin eng' bukuini po Ng'atuutyet. Pabaitunenen ngiweekyigei Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

JOSHUA 22:5

Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”