NG'ATUTIK 4:28 - BUKUIT NE TILIIL Sireet ne Dutero Kanon

²⁸ Ak oot kanamonik che poisyetap eunegap piik, che po keetiik ak koik ak ko che ma keerei kiy ama kastoi ama amisyei anan kong'uto.

Bukuit Ne Tilil

²⁸ Ak oot kanamonik che poisyetap eunegap piik, che po keetiik ak koik ak ko che ma keerei kiy ama kastoi ama amisyei anan kong'uto.

BUKUIT NE TILIL

²⁸ Ak oot kanamonik eng’ oloto, boisietab eunekab bik, che bo ketik ak koik, che mageerei kiy, ama kastoi, ama amisiei, anan kong’uto.

NG'ATUTIK 4:28 Referencias Cruzadas

2 LAITORINIK 17:40

Ago ma kas, ki yai ko uu atebosyekwak che ki po tai.

ISAIAH 26:14

Ki kobek icheek, ma kosaptos; ki kobek, ma kong'eetos. Ki inyonji anyun ak ing'em icheek, ak ki igoochi kolus kabwaatet age tugul agobo icheek.

ISAIAH 44:11

Ogeero, ililandos choronokyik tugul; ak po piik musogik: ingoyumgei tugul, ingotononso; iyweisyei, ililandos tugul.

ISAIAH 44:12

Itanyi kitang'indet aiywet, ak koboisyee nesek, ak kotang'e kiriswet, ak koboisyee eunnyi ne kiim: ee, amei rubeet, ak petei kimnateennyi; ma eei peek, ak kotanui.

ISAIAH 44:9

Puch icheeget tugul che yaei kanamonik che kiwaei; ak ma tinyei keljinet tuguukwak che iboiboegei: ak ma keertoi paorinikwak, ama naei; si kolilaanso.

ISAIAH 45:20

Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.

ISAIAH 46:7

Ibe tigikyyet, laei, ak koteepto eng' oldanyi, ak kotonon; ma keisto eng' komostanyi: ee, riirchin age kioto, ama imuuch kowol, anan kosar ineendet eng' nyalildanyi.

JEREMIA 10:3

Amu tangoita pitonwegap piik, ebei age keetit eng' timiin, ak chobei komyee musogindet aiywet koboisyee aiywet.

JEREMIA 10:5

Uu icheek tiiret ne kimue toriitik, che ma ng'alaaldos; kanyool keibot, amu ma imuuchi kobendat. Amoiywei icheek, amu ma imuuchi koyai kiy ne ya, amaimuuchi koyai kiy ne myee.”

JEREMIA 10:9

Miitei fedha che ki kitany kolebelitu che ki kiibune Tarsis, ak thahabu che punu Upas, nooto poisyetap musogindet ak po kitang'indetap thahabu; buluu ngoroikwak ak ko arusen ne piriir; poisyetap piik che ng'oomen chooto tugul.

JEREMIA 16:13

atimdok anyun omande eng' emoni obe emet ne tomo onai, okweeget anan kwanisyekwok; ak oot kamuktaik che teer eng' olooto peet ak kemoi; amu ma rireenok.

EZEKIEL 20:32

ak ma piitu agot kitigin nooto obwaati; amu omwae ole, “Kigergeitu ak pororyosyek, ak kergeitu ak ortinwegap emotinwek, keoot keetiik ak koik.”

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

POISYONIGAP CHE KIYOKTOI 19:26

Ogeere ak ogase ole, ma eng' Epheso kityo ago neegit Asia tugul, kagochuut piik che chaang' Paulo-iniito, ak koweechi, koleenjin chooto ki kiyae eunek koma kamuktaik.

POISYONIGAP CHE KIYOKTOI 7:42

Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele: ‘Tos ki ogoono che kiyagi che kageeny ak tiseiywek eng' kenyiisyek artam eng' surkwen, Ee kootap Israel?

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.

NG'ATUTIK 28:64

Ak koiyestak Kamuktaindet ne Toroor obe pororyosyek tugul, kobooch tabanda age ne po ng'wony agoi tabanda age. Iote kanamonik eng' olooto che po keetiik ak che po koik, che mengen inyee anan kwanisyeguk.

NG'ATUTIK 29:17

Ki ogeer tuguukwak che kiwechei ak kanamonikwak, keetiik ak koik, fedha ak thahabu, che ki mi kwenunnywa.

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’