NG'ANG'UTYET 11:19 - BUKUIT NE TILIIL Sireet ne Dutero Kanon

¹⁹ Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

Bukuit Ne Tilil

¹⁹ Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

BUKUIT NE TILIL

¹⁹ Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 11:19 Referencias Cruzadas

TIENWOGIKAL 105:32

Ki igoochi koik ne kata ropta, ak maat ne liplibeni eng' emennywa.

TIENWOGIKAL 18:12

Eng' kaluunet ne ki mi tainnyi, ko ki pun polikyik che tuuen, koigap ropta ak ng'etetyot.

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 32:19

Ago roboni koigap ropta kot koluul timiin; ak koluul nganaseet tugul.

EZEKIEL 13:11

mwachi icheek che malse taartaarichuuto ileenji, luulei: piitu ropta ne oo; ak koroobon koik che eecheen che po ropta; ak kobet usoonet ne oo inatunooto.

EZEKIEL 13:13

Mwaei anyun Kiptaiyat Kamuktaindet kole: Abete inatuniito eng' usoonet ne oo eng' nereegekyuk che ng'woneen; ak kobiit ropta ne oo eng' nereegekyuk, ak koik che eecheen che po ropta eng' nereegekyuk che ng'woneen, si kobiit kogees.

EZEKIEL 38:22

Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

KAITOSYEK 10:33

Ara ki toi icheek panda ne po peetuusyek somok kong'etye tulweetap Kamuktaindet ne Toroor. Ki indoe icheek moingetap arorutyetap Kamuktaindet ne Toroor eng' pandap peetuusyek somok, kocheeng'jinoti ole imuung'ee.

KAITOSYEK 4:15

Ye kagogees Aron ak weeriikyik poisyet ne po tuugeetap ole-tiliil ak tuguuk tugul che po ole-tiliil, ak ye kotoi nganaseet panda, ko ingobwa anyun weeriigap Kohat koip; ago amat kotwa kiy eng' tuguuk che tiliileen si ma pek icheek. Tuguuchuuto che laei anyun weeriigap Kohat eng' emait ne kituiyechin.

KAITOSYEK 4:5

“Ye katoi piik panda, koba ko Aron ak weeriikyik kocher anyun angeet ne kioiye koot konyo ng'wony ak kotuge anganooto moingetap paornateet,

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

NG'ANG'UTYET 11:13

Ak ki piit eng' sainooto potanet ne oo ne po emet, ak kiluul kebeberta agenge eng' taman ne po nganaseet; ak ki kibar eng' potanonooto piik eliphuusyek tisap; ak ki aragenso che kiga ng'et, ak ki igoochi toroornatet Kamuktaindet ne po kipsengwet.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 12:1

Ak ki took kaboorunet ne oo eng' kipsengwet; kwondo ne ki ilaachi asiista, ak komi arawet keluutap keldebesaikyik, ak ki mi metinnyi kuutweetap kecheik taman ak aeng'.

NG'ANG'UTYET 16:1

Ki agas kutit ne oo kobunu Hekaluut, koleenjin malaikaisyechooto tisap, “Oba, oroong'ji emet taabook tisap che po nereegegap Kamuktaindet.”

NG'ANG'UTYET 16:18

Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot.

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 4:1

Kingo pata tuguuchu, ageer, ak ki yaatak kurgeet eng' kipsengwet. Ak kutit ne po tai ne ki agas ko ki uu ne po iryageet, ne ki ng'alaalwo kole, “Togosu oli, si aboorun tuguuk che tuun piitu eng' let matiny.”

NG'ANG'UTYET 4:5

Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

NG'ANG'UTYET 7:15

Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.

NG'ANG'UTYET 8:5

Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.