NEEMIA 9:30 - BUKUIT NE TILIIL Sireet ne Dutero Kanon

³⁰ Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

Bukuit Ne Tilil

³⁰ Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

BUKUIT NE TILIL

³⁰ Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

NEEMIA 9:30 Referencias Cruzadas

2 LAITORINIK 18:11

Ki imut `laitoryatap Assyria Israel koba Assyria, ak ki wo konde Hala ak Habor, aineetap Gosan ak nganasoogap Medes.

2 LAITORINIK 21:10

Ki ng'alaal Kamuktaindet ne Toroor eng' otwogikyik maotik kole,

2 ATEPTAP PEETUUSYEK 24:19

Agos ki iyookyi icheek maotik kole komut icheek koweekyi Kamuktaindet ne Toroor; ak kibaoryan kogirinda icheek, ago ma cham kogas.

EZRAH 9:10

Ara anyun, ee, Kamuktaindennyo, ta kemwae nee kogeny? Amu kigemete ng'atuutiguk,

NEEMIA 9:20

Ki igoochi kogeny icheek Kabuuseng'ung' ne myee koneet, ama ietee icheek koam mana, ak inage peek amu meleldanywa.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 95:10

Ki aaragen kenyiisyek artam eng' ibinooto, Ak ki ale, Icheeget ko piik che mastoi eng' mugulelwekwak, Ak tomo konai ortinwekyuk:

ISAIAH 28:10

Amu kineeti ng'atuutyet kegetyingei ng'atuutyet, ng'atuutyet eng' ng'atuutyet; kineeti kaneetisyet kegetyingei kaneetisyet, kaneetisyet eng' kaneetisyet; kitigin eng' oli, kitigin eng' olo.”

ISAIAH 42:24

Ki igoito ng'oo Jakobo keluul, ak ki igoito ng'oo Israel kogoochi rebiik? Tos ma Kamuktaindet ne Toroor? Ineendet ne ki kiyachi acheek tengekto, ak ne ki ma cham icheek kobendatee ortinwekyik, ama kas iit ng'atuutyennyi.

ISAIAH 48:9

Agoitoi nereegekyuk amu kainennyu, ak amuitoi agobo inyee amu kalasunennyu, si magesun.

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

JEREMIA 25:4

Ak ki koyokwok Kamuktaindet ne Toroor otwogikyik tugul che maotik, kong'eetei karon miising' ak koyogu icheek; ago ma ogas, anan oep iit, si kobiit ogas;

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

JEREMIA 44:4

Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

JEREMIA 44:5

Ago ma kas, anan koep iit si kobiit koweek kometo yaityennywa, si mata kobeelji nyamdutik kamuktaik che teer.

JEREMIA 7:25

Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

SEKARIA 7:12

Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

KAITOSYEK 11:26

Ki kang'et piik aeng'u eng' nganaseet; ki kiguure age Eldad, keguure age Medad. Ki nyoonji icheek kabuuset nganda ki ma pa ole mi emait, ago kibooto pichooto icheeget che kiga kisir. Ki toi komaoten eng' nganaseet.

POISYONIGAP CHE KIYOKTOI 13:18

Ak kimuitoochi icheek eng' atebosyekwak eng' olo po kenyiisyek artam eng' surkwen.

POISYONIGAP CHE KIYOKTOI 28:25

Ak ye ki mata kogasyin icheegei, koba, ko kagomwa Paulo ng'olyoot agenge, kole, “Ki mwachi komyee Kabuuset ne Tiliil kwanisyekwok eng' maotyot Isaiah, kole,

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

1 PETERO 1:11

ye ki cheeng'ei peetuut ne ineet anan ole uu peetuut ne ki iboorchin Kabuusetap Kristo ne ki miitei eng' icheek, ye kisip kobaoryan agobo nyalilwogigap Kristo, ak toroornatosyek che isubi chooto.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.