NEEMIA 9:29 - BUKUIT NE TILIIL Sireet ne Dutero Kanon

²⁹ Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

Bukuit Ne Tilil

²⁹ Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

BUKUIT NE TILIL

²⁹ ak ibaorianji ichek itigon, ile imutyi kogeny Ng’atutieng’ung’: ago kiboisie menotet, ama kas it ng’atutiguk, ago kiyai tengekto kongelelji kiruogutiguk (che ngot koyai chito kosobe choto), ak kilit olin, ak kouuiit kaatinywa, ama cham kogas.

NEEMIA 9:29 Referencias Cruzadas

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

2 LAITORINIK 17:14

Ago ma cham kogas kora, ago ki iuit kaatiswekwak ko uu kwanisyekwak, che ki ma iyan Kamuktaindet ne Toroor Kamuktaindennywa.

2 ATEPTAP PEETUUSYEK 24:19

Agos ki iyookyi icheek maotik kole komut icheek koweekyi Kamuktaindet ne Toroor; ak kibaoryan kogirinda icheek, ago ma cham kogas.

2 ATEPTAP PEETUUSYEK 33:10

Ak ki ng'alaalji `Kamuktaindet ne Toroor Manasseh ak piikyik; ago ki ma mage kiy.

2 ATEPTAP PEETUUSYEK 36:15

Ak ki iyooktoi Kamuktaindet ne Toroor, Kamuktaindetap kwanisyekwak, piikyik, komusta koba ole mi icheek; amu ki riiree piikyik, ak ole menyei ineendet.

NEEMIA 13:15

Ki ageer eng' peetuusyechooto eng' Judah alak che kityechei sabibuk eng' ole kituisye eng' peetuutap sabato, koibu ratuutigap peek che karatyi sigiroik. Ki yai ko uu nooto eng' divaik, sabibuk, logoegap mogoonik ak lautik alak tugul che ki ibu kobwa Jerusalem eng' peetuutap sabato. Ki ager kong' icheek eng' peetuunooto mat koalda amitwogik.

NEEMIA 9:10

Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

NEEMIA 9:16

Ago kiboisye icheek ak kwanisyekyok menoteet ak kouiit kaatinnywa ama kas iit ng'atuutiguk.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

KOMONG'U 10:3

Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

JEREMIA 17:23

ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 42:19

Kagong'alaal Kamuktaindet ne Toroor agobo okweek, ee okweek che ki ong'etu che oo po Judah, kole amobe Misiri: onai komyee ole kaabaoryanwok rani.

JEREMIA 43:2

komwa anyun Azariah weeriitap Hosaia, ak Johanan weeriitap Karea, ak piik tugul che meniotin, koleenji Jeremiah, “Imwae lembech. Ma iyogun Kamuktaindet ne Toroor, Kamuktaindennyo inyoo imwa ile, ‘Mobendi Misiri otebee olooto’;

JEREMIA 44:10

Ma iming'ingei agoi rani, anan koiyweis, anan kobendatee ng'atuutikyuk, anan kayomisutikyuk, che ki ande taing'wong', ak eng' taitap kwanisyekwok.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

EZEKIEL 20:11

Ak ki agoochi icheek ng'atuutikyuk, ak aboorchi kirwoogutikyuk, che ngo yai chii kosabei eng' chooto.

HOSEA 6:5

Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

ATEPTAP LAWIK 18:5

Oriip anyun ng'atuutikyuk ak kirwoogutikyuk: amu ngo yai chiito chooto, kosabei eng' chooto. Aa Kamuktaindet ne Toroor.

MATAYO 19:17

Ak ki leenji ineendet, “Kalya si iteebena agobo nooto myee? Mi agenge ne myee. Ngimache imong'ji saboondo, inam ng'atuutik.”

LUKA 10:28

Ak ki leenji, “Kewolu komyee: yai ko uu nooto, si isap.”

ROMANIK 10:5

Amu sirei Musa kole chii ne yaei imanda, ne punu Ng'atuutyet, kosabei eng' nooto.

GALATYEK 3:12

ak ma po Ng'atuutyet kayaneet; ago, Ineendet ne yaei chooto kosabei eng' chooto.

NG'ATUTIK 31:21

Ye tuun kagobwonji yaitwogik che chaang' ak nyalilwogik, kobaoryan anyun tyeni eng' tainnywa ko uu paoryat. Amu ma utye iyotennywa eng' kutusweekwak. Amu agot nguno angen kabwaatutikwak che ibwaati, kotom amut koba emet ne ki ayosyechi.”

NG'ATUTIK 31:27

Amu angen ngelelnateng'ung' ak uuindap kaating'ung'. Ogeero, kongelelji Kamuktaindet ne Toroor kota asabe ami kobootok peetuuni. Oyae anyun ne tya ye kaamei?

NG'ATUTIK 4:26

ko kaaguur kipsengwet ak ng'wony kobaoryanjin peetuuni, ale osip olustosi owong'ugei eng' emet ne obendi olandoe Jordan oname kobunjook. Ma chaang'aitu peetuusyekwok eng' olooto ago king'emok owong'ugei.

KIRUOGIK 6:10

Ki aleenjok, ‘Aa Kamuktaindet ne Toroor Kamuktaindeng'wong'; moiywei kamuktaigap Amorik, che omenye emennywa.’ Ago ma ogas iit kutinnyu.”