MIKAH 4:7 - BUKUIT NE TILIIL Sireet ne Dutero Kanon

⁷ ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

Bukuit Ne Tilil

⁷ ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

BUKUIT NE TILIL

⁷ ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MIKAH 4:7 Referencias Cruzadas

TIENWOGIKAL 2:6

“Kande laitoryandennyu `Zion tulweennyu ne tiliil.”

ISAIAH 16:5

Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

ISAIAH 60:22

Egu ne ming'in eliphuut, ak koek ne ming'in pororyet ne kiim: achokyini nooto anee Kamuktaindet ne Toroor eng' peetuunnyi.

ISAIAH 66:8

Ki kogas ng'oo ng'olyoot ne uu ni? Ki kogeer ng'oo tuguuk che uu chu? Tos kisichei emet eng' peetuut agenge? Tos kisichei pororyet eng' sait ne matya? Amu ki sich `Zion lagokyik, eng' sainooto ki nyoorunee ng'wanindo.

EZEKIEL 43:7

Ak ki leenjo, Ee, weeriitap chii, yuto ko ye mi ng'echerennyu ne po laitornatet, ole tebee keelyekyuk, ole amenye koigeny eng' kwenutap piigap Israel: ama komurwoni kogeny kootap Israel kainennyu ne tiliil, icheeget anan ko laitorinikwak, eng' kugoinatennywa, ak eng' muuswegap laitorinikwak eng' komoswekwak che torooreen;

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

JOEL 3:17

Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

MIKAH 2:12

Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

MIKAH 2:13

Kagondoe putindet icheek: kagobutis ak koba agoi ormariichet, ak komandae yooto: kagondoe icheek laitoryannywa, ak komi tainnywa Kamuktaindet ne Toroor.

MIKAH 5:3

Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.

LUKA 1:33

ak tuun laitorane kootap Jakobo koigeny; punjin laitornatennyi koigeny.”

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”