MIKAH 4:10 - BUKUIT NE TILIIL Sireet ne Dutero Kanon

¹⁰ Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

Bukuit Ne Tilil

¹⁰ Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

BUKUIT NE TILIL

¹⁰ Ingonamin ng’wanindo, ak igimu, ee cheptab Sion, ko u kwondo ne machei kosigis: amu imandoi anyun nguno eng’ nganaset, ak imeny mbar, ak iwe agoi Babulon; kisorun eng’ oloto; itiachin Jehovah eng’ oloto eng’ eutab buniguk.

MIKAH 4:10 Referencias Cruzadas

2 LAITORINIK 20:18

Tuun kimuti alak eng' weeriiguk che mong'unenen, che isiche, ak koba koek icheek che ki kimooch eng' kootap laitoryatap Babilon.”

2 LAITORINIK 25:4

Kibut anyun piik irimeetap nganaseet ak komweiso murenik tugul che po lugeet kemoi kobun ooreetap ormariichet ne ki mi kwenutap inatusyek aeng' ole ki neegitee seremutap laitoryat. Nga kiga yiem Kaldeik nganaseet, ko ki pun icheek ooreetap Arabah.

2 ATEPTAP PEETUUSYEK 33:11

Komutyi anyun `Kamuktaindet ne Toroor icheek kiptainigap lugeet ne po laitoryatap Assyria che ki imut Manasseh ko rataat eng' nyororosyek ak mugurek, ak komut ineendet kwo Babilon.

2 ATEPTAP PEETUUSYEK 36:20

Ak ki imut koba Babilon che kiga chililye rotwetap chok; ak ki ek otwogikyik ak che po weeriikyik agoi laitornatetap Persia:

2 ATEPTAP PEETUUSYEK 36:23

kamwa ko uu ni Cyrus laitoryatap Persia, kole, “Ki koono Kamuktaindet ne Toroor, Kamuktaindetap kipsengwet, laitornatosyek tugul che po ng'wony; ak king'ata ateekyi koot eng' Jerusalem, ne mi Judah. Ingotogosta age tugul eng' okweek che oo po piikyik tugul, ak ingotep Kamuktaindet ne Toroor Kamuktaindennyi kobooto chiichooto.”

TIENWOGIKAL 106:10

Ak ki sar icheek eng' eutap ineendet ne kiwechei icheek, ak ki ityaach icheek eng' eutap puunyoot.

ISAIAH 43:14

Mwaei Kamuktaindet ne Toroor, katyagindeng'wong', Ineendet ne Tiliil ne po Israel, ko uu ni, kole: Ki ayookte ng'olyoot kwo Babilon agobo okweek, ak achooru icheek tugul ko uu che mweoti, chooto po Kaldeik, eng' melisyek che poiboitune.

ISAIAH 45:13

Ki ang'eet ineendet eng' imanda, ak alititi ortinwekyik tugul: ineendet ne teechei nganasennyu, ak kotyach piikyuk che ki kimut, ma eng' alet anan melekto, mwaei Kamuktaindet ne Toroor ne po lugoosyek.

ISAIAH 48:20

Omande eng' Babilon, omwei eng' Kaldea; obarte eng' cheetap tyendo, omwaite niito, omwa kogasak agoi ole pooch ng'wony: omwa ole, Kigotyach Kamuktaindet ne Toroor Jakobo otwogindennyi.

JEREMIA 13:4

“Nam pireneet ne kaial nooto kerategei ak ing'eet iwe Yufrets, yeityo iuny eng' yooto eng' keriinget ne mi rwandet.”

JEREMIA 15:21

Asaruun eng' eutap kiptengeginik, ak atyachin eng' eutap che imuisei.

JEREMIA 29:20

Ogas anyun ng'olyootap Kamuktaindet ne Toroor, okweek tugul che ki kiluul, che ki ayookte eng' Jerusalem koba Babilon.

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 48:41

Kageluul Keryot, ak kageche irimoikyik, ak koigei mugulelwegap piik che nyigoonen che po Moab, eng' peetuunooto, muguleldap kwondo ne tinyei ng'wanindo ye machei kosigiis.

JEREMIA 52:27

Ak kibir laitoryatap Babilon pichooto, ak kobar eng' Ribla, eng' emetap Hamath. Ki kimut anyun Judah keluul komanda eng' emennyi.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HOSEA 13:13

Pwaanjin ineendet aragenosyek che po kwondo ne machei kosigiis: ineendet ko weeriit ne ma ng'oom; amu kait peetuut ne ma nyoljin kota kotebee moo.

HOSEA 2:14

Nooto anyun, ogeero, agaigai ineendet ak amut kwo surkwen, ak amwachi ng'aleek che agaigae.

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

MIKAH 5:3

Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.