MATAYO 10:2 - BUKUIT NE TILIIL Sireet ne Dutero Kanon

² Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

Bukuit Ne Tilil

² Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

BUKUIT NE TILIL

² Chu kainaik che bo che kiyoktoi taman ak aeng’: Ne bo tai ko Simon ne kiguure Petero, ak Andrea ng’etab kamet; Jakobo weritab Sebedi, ak Johana ng’etab kamet;

MATAYO 10:2 Referencias Cruzadas

MATAYO 17:1

Kingo pata peetuusyek lo komut Jeso Petero, Jakobo ak Johana ng'eetap kam, ak ki indochi icheek kolaany tulweet ne kooi, koba uwak icheegei.

MATAYO 20:20

Ki nyoonji anyun ineendet kametap weeriigap Zebedayo kobooto weeriikyik, ak kogutung'ji, ak kosoom ineendet kiy.

MATAYO 26:37

Ki imut Petero ak weeriik aeng' che po Zebedayo, ak kotoi koaragen ak koimak miising' eng' muguleldanyi.

MATAYO 4:18

Ak ye kiwendotee ngeguutap araraita ne po Galilaya, kogeer piik aeng' che tupcho, Simion ne kiguure Petero, ak Andrea ng'eetap kamet, kowiirchin regereiywot ne kiname njireenik araraita; amu ki ramiigap njireenik.

MATAYO 4:21

Ki ye kingo ta kowendi eng' olooto, kogeer piik aeng' alak che tupcho, Jakobo weeriitap Zebedayo, ak Johana ng'eetap kamet, komiitei moingetap peek kobooto Zebedayo kwandanywa, konabei regereiywekwak; ak koguur icheek.

MARIKO 1:29

Ye kingo mong' eng' sinagogit, koba kootap Simion ak Andrea, kobooto Jakobo ak Johana.

MARIKO 13:3

Ak kingo tebyei ng'wony eng' tulweetap mseituni ye tokyindos ak Hekaluut, koteebe ineendet Petero ak Jakobo ak Johana ak Andrea komi icheegei, kole,

MARIKO 6:30

Ki iyumjigei Jeso che kiyooktoi ak komwachi ineendet tuguuk tugul che kiga koyai ak tugul che kiga koneet.

LUKA 11:49

Ki le anyun `utaatyetap Kamuktaindet amu nooto, ‘Tuun ayookyini maotik ak che kiyooktoi; ak kobar alak eng' icheek ak kousaus alak,’

LUKA 22:14

Ak ye kingo it sait, kotep ng'wony, kobooto che kiyooktoi.

LUKA 22:8

Ak ki iyookto Petero ak Johana, kole, “Oba ochobwech paska, si kobiit keam.”

LUKA 5:10

ki kwong'yo ak icheek Jakobo ak Johana weeriigap Zebedayo, che kiboisyei tugul kobooto Simion. Ak ki leenji `Jeso Simion, “Ameiyweisye; kobooch nguno iegu ne irame piik.”

LUKA 9:10

Ak ye kingo week che kiyooktoi, komwachi ineendet tuguuk che kogoyai. Ak ki imut icheek koba taban icheegei agoi nganaseet ne kiguure Bethsaida.

JOHANA 12:22

Ki nyo Philipu komwachi Andrea: ak ki pwa Andrea ak Philipu komwachi Jeso.

JOHANA 13:23

Ak ki mi meset agenge ne po kasubikyik ne kitiegei tegetap Jeso ne ki chamat eng' Jeso.

JOHANA 20:2

Kolabat kot koit ole mi Simion Petero, ak nooto agenge eng' kasubik, ne ki chamei Jeso ineendet ak koleenji icheek, “Kageip Kiptaiyat eng' kererit, ama kingen ole kaginde.”

JOHANA 21:2

Ki mi tugul, Simion Petero ak Thomas ne kiguure Didumo, ak Nathanael ne po Kana ne po Galilaya, ak weeriigap Zebedayo, ak aeng' alak che po kasubikyik.

JOHANA 21:20

Kowelelgei Petero, kogeer kasubindet ne ki chamei Jeso kosubi; ne kitiegei tegetap Jeso eng' amisyetap lagat, ak koleenji, “Kiptaiyat, ng'oo ineendet ne ng'wektoin?”

JOHANA 21:24

Ni anyun ko kasubindet ne paoryanjin tuguuchu, ak ne ki sirei tuguuchuuto ak kingen keele po iman paornatennyi.

JOHANA 6:67

Ki leenji anyun Jeso chooto taman ak aeng', Obendi ak okweek?

JOHANA 6:70

Kowolji Jeso icheek koleenji, “Ki ma alewenok taman ak aeng', ak chesawilyet age eng' okweek?”

JOHANA 6:71

Kimwaei anyun agobo Judas ne po kap Simion Iskaryot, amu inee ne kimachei kong'wekta ineendet, ne ki agenge eng' taman ak aeng'.

JOHANA 6:8

Koleenji ineendet age ne po kasubikyik, Andrea, ng'eetap kametap Simion Petero,

POISYONIGAP CHE KIYOKTOI 1:13

Ye kingo kagoba ko, kolaany koot ne po parak, ole ki tebee agot Petero, Johana, Jakobo ak Andrea, Philipu ak Thomas, Bartolomayo ak Matayo; Jakobo ne po kap Alphayo ak Simion Selote, ak Judas ne po kap Jakobo.

POISYONIGAP CHE KIYOKTOI 1:26

Kiseer parbareek agobo icheek, ak ki ibutyi parbaryat Matia; ak ki kiitito che kiyooktoi taman ak agenge.

POISYONIGAP CHE KIYOKTOI 12:2

Ki par Jakobo ng'eetap kametap Johana eng' rotwetap chok.

POISYONIGAP CHE KIYOKTOI 3:1

Ki togosta Petero ak Johana hekaluut eng' sait ne po saaet, sait sogol.

1 KORINTOEK 15:7

yeityo komong'ji Jakobo; ye ibata, komong'ji che kiyooktoi tugul;

EPESOEK 4:11

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

1 PETERO 1:1

Petero, kayooktoindet ne po Jeso Kristo, asirchini che ki kilewen, punootik che po piik che ki koiyesta, eng' Ponto, Galatia, Kapadokia, Asia, ak Bithynia,

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2 JOHANA 1:1

Anee poiyot ne asirchini chebyoset ne lewenot ak lagokyik, che achame eng' imanit; ago ma aneege kityo, ago tugul che ingen imanit ak icheek,

3 JOHANA 1:1

Anee poiyot ne asirchini Gaio chamaneet ne achame eng' imanit.

NG'ANG'UTYET 1:1

Ng'ang'utyet ne po Jeso Kristo, ne ki igoochi Kamuktaindet ineendet koboorchi otwogikyik tuguuk che piitu kochogu ne matiny. Ki iyook `ineendet malaikaiyandennyi kole koboorchi kiboityondennyi Johana,

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 22:8

Anee Johana ne ki agas tuguuchu ak ageer. Ak ye kinga kas ak ageer, abutyi ng'wony alasu eng' keelyegap malaikaiyat ne ki iboorwo tuguuchuuto.