MATAYO 10:1 - BUKUIT NE TILIIL Sireet ne Dutero Kanon

¹ Ki kuur anyun `Jeso kasubikyik taman ak aeng', yeityo kogoochi kimnateet si koon tamirmirik che murwonen, ak kosoop che myandos eng' koroito age tugul ak eng' nyalulnateet age tugul.

Bukuit Ne Tilil

¹ Ki kuur anyun `Jeso kasubikyik taman ak aeng', yeityo kogoochi kimnateet si koon tamirmirik che murwonen, ak kosoop che myandos eng' koroito age tugul ak eng' nyalulnateet age tugul.

BUKUIT NE TILIL

¹ Ak kiguur alamalyennyi taman ak aeng’ kobwanji inendet, ak kogochi kimnatet si koon tamirmirik che muruonen, ak kosoob che miandos eng’ koroito age tugul ak eng’ nyalulnatet age tugul.

MATAYO 10:1 Referencias Cruzadas

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 26:20

Ye kingo ek koskoleny kotebi eng' amisyet kobooto kasubikyik chooto taman ak aeng';

MATAYO 26:47

Kingo ta kong'alaali, ogeero, konyo Judas, age eng' taman ak aeng', kobooto piik che chaang' che tinyei rotoogap chok ak kirokweek, kobunu kaptisiik che eecheen ak poisyegap pichooto.

MATAYO 4:23

Ak kiwendoti Jeso eng' Galilaya komugul, koneetisyoti eng' sinagogisyekwak ak koamdaati logoiywek che myach che po laitornatet, ak kosabooti che tinyei korotwek alak tugul ak myanwogik alak tugul eng' piik.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

MATAYO 9:35

Ak kiwendote Jeso nganasook tugul, che eecheen ak che mengeechen, koneetisyoti eng' sinagogisyekwak, ak koamdaati logoiywek che myach che po laitornatet, ak kosabooti che myandos eng' koroito age tugul, ak eng' nyalulnateet age tugul.

MATAYO 9:38

Nooto anyun osaa Kiptaiyat ne po kesisyet, si kobiit koyookyi kiboitiinik kesisyennyi.”

LUKA 10:19

Ogeero, kaagoonok kamuget si kobiit otyech erenook ak melmelwek, ak oterter kimnateet tugul ne po puunyoot; ak ma mi kiy ne imuuchi kong'emak.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

LUKA 24:49

Ak ogeero, ayoogu kayomisetap Abba kotebi eng' okweek: ago otebi okweek eng' nganaseet, agoi kilaakwok kimnateet ne punu parak.

LUKA 6:13

Ak ye kingo eech, koguur kasubikyik: ak ki lewen eng' chooto taman ak aeng', che kiguure kainennywa che kiyooktoi;

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 3:27

Kowol Johana kole, “Ma koi imuuch chii kotaach kiy, ngo ma kigoochi eng' kipsengwet.

JOHANA 3:35

Chamei Kwanda Weeriit, ak ki konde tuguuk tugul eunnyi.

JOHANA 6:70

Kowolji Jeso icheek koleenji, “Ki ma alewenok taman ak aeng', ak chesawilyet age eng' okweek?”

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 19:15

Ak ki wolji tamirmiryet ne ya icheek, koleenji, “Angen Jeso, ak angen Paulo; ago okweek ko oo ng'oo?”

NG'ANG'UTYET 12:1

Ak ki took kaboorunet ne oo eng' kipsengwet; kwondo ne ki ilaachi asiista, ak komi arawet keluutap keldebesaikyik, ak ki mi metinnyi kuutweetap kecheik taman ak aeng'.