MALAKI 3:7 - BUKUIT NE TILIIL Sireet ne Dutero Kanon

⁷ Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

Bukuit Ne Tilil

⁷ Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

BUKUIT NE TILIL

⁷ Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

MALAKI 3:7 Referencias Cruzadas

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

ISAIAH 65:2

Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 16:12

ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 7:25

Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

EZEKIEL 2:3

Kimwaiwo koleenjo, Ee, weeriitap chii, kayookten iwe emetap piigap Israel, ye mi pororyosyek che ngelelik, che ki kongelelja; ki kongelelja icheek kobooto kwanisyekwak agoi peetuuni.

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

EZEKIEL 20:21

Ago ki ingelelja ak icheek lagok; ma pendate ng'atuutikyuk anan koriip kirwoogutikyuk, koyai, che ngo yai chii kosabei eng' chooto; ki imurwon icheek sabatosyekyuk: amwa anyun ale aroong'jini icheek nereegekyuk che ng'woneen si kobiit ayai nereegekyuk kosulda eng' icheek eng' surkwen.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

MALAKI 1:6

Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

MALAKI 3:13

Kigouegitu ng'aleekwok che ki omwaitaena, mwaei Kamuktaindet ne Toroor. Ago oteebe ole nee ne ki kemwaitaenen?

MATAYO 23:27

“Pwo eng' okweek, siriik ak Pharisaik, chombilik! Amu oo kerge ak kereeriisyek che kigesal koleelagitu, che korooron iman parak eng' keeret, ago nyiitootiin oriit kawegap piik che ki kobek ak murwoonindo tugul.

LUKA 15:16

Ak kimachei miising' kole kobiyo meteteek che ki amei toorook: amu ma igoochi chii kiy.

ROMANIK 10:21

Ago mwaei agobo Israel kole, “Ki aitoochi eunekyuk eng' peetuut komugul piik che ma kase iit ak che ngelelik.”

ROMANIK 10:3

Amu ye ki ma nai icheek imandap Kamuktaindet, ak ye ki cheeng' kogimit nenywa, koma kogas iit imandap Kamuktaindet.

ROMANIK 7:9

Ak ki asabe eng' tai ye ki ma komi Ng'atuutyet: ago ye kingo nyo ng'atuutyet, kosap kogeny tengekto, amee anyun;

NG'ATUTIK 31:20

Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.