MALAKI 3:6 - BUKUIT NE TILIIL Sireet ne Dutero Kanon

⁶ Aa Kamuktaindet ne Toroor, ma walaksei, ko uu nooto okweek, ee weeriigap Jakobo, koma kigeswok.

Bukuit Ne Tilil

⁶ Aa Kamuktaindet ne Toroor, ma walaksei, ko uu nooto okweek, ee weeriigap Jakobo, koma kigeswok.

BUKUIT NE TILIL

⁶ Amu mawalaksei ane Jehovah, magigeswok anyun, ee okwek werikab Jakobo.

MALAKI 3:6 Referencias Cruzadas

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

TAUNET 15:7

Yeityo koleenji ineendet, “Aa Kamuktaindet ne Toroor anee ne ki amutun imang'une Ur emetap Kaldeik ak inyoo agoonin emoni kobunjiin.”

TAUNET 22:16

koleenji, “Kayosyechigei aneege, mwaei Kamuktaindet ne Toroor, amu keyai kii, ma ieteno weeriing'ung' ne ineegei.

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 102:27

Ago ii uu nooto inyee agoi, ama tinyei kenyisyeguk ole igeesunegei.

TIENWOGIKAL 102:28

Tebyei ko riibotin lagogap kiboitiniguk, ak kimitu iyotennywa eng' taing'ung'.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 78:57

Ak kiweektagei let, koosup ng'aalseet ko uu kwanisyekwak: Ki kiweekta koba taban ko uu kwanget ne ma litit.

ISAIAH 41:13

Amu aname eung'ung' ne po tai, anee Kamuktaindet ne Toroor Kamuktaindeng'ung', aleenjinin, Meiywei; atoretiin.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 46:4

Aa ineendet agoi osindo, ak agesenook agoi osich kalwalek: ki ayae, ak ageseni, ee ageseni, ak asaru.

JEREMIA 32:27

keero, aa Kamuktaindet ne Toroor, Kamuktaindetap piik tugul: tos mi kiy age tugul ne temena?

HOSEA 11:9

Ma yae koroomnatetap nereegekyuk, ma weeksei ang'eme Ephraim: amu aa Kamuktaindet, ma aa chii; Ineendet ne Tiliil ne mi kwenung'ung': machute nganaseet.

HABAKUK 1:12

Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

PILIPIK 1:6

angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo:

HEBRANIK 13:8

Kergei Jeso Kristo eng' amut ak ra, ak agoi koigeny.

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 22:13

Aa Alpha ak ko aa Omega, ne po tai ak ne po let, taunet, ak kagesunet.”

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”