KAITOSYEK 5:9 - BUKUIT NE TILIIL Sireet ne Dutero Kanon

⁹ Punjin tisiindet kagoochinoik tugul che tiliileen che po piigap Israel che igoochin icheek ineendet.

Bukuit Ne Tilil

⁹ Punjin tisiindet kagoochinoik tugul che tiliileen che po piigap Israel che igoochin icheek ineendet.

BUKUIT NE TILIL

⁹ Bunjin tisiindet kagochinet age tugul ne kenamjin barak, ne bo tuguk che tililen che bo lagokab Israel che igochin ichek inendet.

KAITOSYEK 5:9 Referencias Cruzadas

KOMONG'U 29:28

Punjin chooto Aron ak weeriikyik koek ng'atuutyet ne po agoi eng' piigap Israel, amu niito kebebertap kagoochinet ne kagitabaan, ak koek nooto kagoochinet ne kinamjin parak ne punu lagogap Israel eng' tiseiywegap kagoochinoikwak che po kaalyeet. Niito anyun ko kagoochinennywa ne kagitabaanji Kamuktaindet ne Toroor.

ATEPTAP LAWIK 10:13

Oame eng' ole-tiliil, amu kebebertang'ung' niito ak weeriiguk, eng' kagoochinoik che punei maat che kigoochin Kamuktaindet ne Toroor, amu ki king'ata ko uu nooto.

ATEPTAP LAWIK 10:14

Ago omuuchi oam inyee ak weeriiguk ak tiibiiguk eng' komosta ne tiliil tagateet ne kiongoi ak chaatit ne kinamjin parak; amu kagigonnin chooto koek kebebertang'ung' ak lagoguk eng' tiseiywegap kagoochinoik che po kaalyeet eng' piigap Israel.

ATEPTAP LAWIK 10:15

Ibu `icheek chaatit ne kinamjin parak ak tagateet ne kiongoi kobooto kagoochinoik che punei maat che po mwanik ak koongoi koek kagoochinet ne kiongoi eng' taitap Kamuktaindet ne Toroor, yeityo kobunjiin ak weeriiguk koek ng'atuutyet ne wendi agoi koigeny, ko uu ye ki ng'at Kamuktaindet ne Toroor.”

ATEPTAP LAWIK 6:26

Tisiindet ne igoitoi kagoochinetap tengek ko amei kebeber eng' nooto. Ki amei eng' komosta ne itabaanat eng' seremutap emait ne kituiyechin.

ATEPTAP LAWIK 7:32

Ogoochi tisiindet chaatit ne po komostap tai koek kagoochinet ne punu tiseiywegap kagoochinoikwok che po kaalyeet.

ATEPTAP LAWIK 7:34

Kaataach eng' piigap Israel kagoochinetap tagateet ne kiongoi, ak kagoochinetap chaatit kobunu tiseiywek che po kagoochinoikwak che po kaalyeet. Kaagoochi Aron tisiindet ak weeriikyik tuguuchooto, kobunu piigap Israel koek ng'atuutyet ne wendi agoi koigeny.

KAITOSYEK 18:19

“Kaagoonin kobooto weeriiguk ak tiibiiguk kagoochinoik tugul che kinamjin parak che po tuguuk che tiliileen, che igoochin `piigap Israel Kamuktaindet ne Toroor ko uu ng'atuutyet ne po koigeny. Niito anyun kayomisetap muunyuk ne po koigeny eng' taitap Kamuktaindet ne Toroor eng' inyee ak eng' iyoteng'ung'.”

KAITOSYEK 31:41

Ki igoochi `Musa Eleazar tisiindet kebeberta, kagoochinet ne kinamjin parak ne po Kamuktaindet ne Toroor, ko uu ye ki ng'at `Kamuktaindet ne Toroor Musa.

KAITOSYEK 5:8

Ago ngo ma tinyei chiichooto chiito ne tilya ne kimuuchi keeweekyi tuguuchooto po ng'oogisto, ko tuguuchooto kiyaaktoe ng'oogisto kigoochin Kamuktaindet ne Toroor. Kigoochin Kiptaiyat si kobiit kobunji tisiindet kobooto mengitap kagaigaet ne kiyachine ineendet kagaigaet.

NG'ATUTIK 12:26

Koek kityo iibe tuguuguk che tiliileen che itinye, ak kaarortaosyeguk ak iwe ole leweni Kamuktaindet ne Toroor,