JOSHUA 8:18 - BUKUIT NE TILIIL Sireet ne Dutero Kanon

¹⁸ Ki leenji `Kamuktaindet ne Toroor Joshua, “Tokyi Ai ng'otit ne itinye eng' euut, amu andoi eung'ung' nganasaniito.” Ak kitokyi Joshua ng'otit ne ki tinyei eng' eunnyi nganaseet.

Bukuit Ne Tilil

¹⁸ Ki leenji `Kamuktaindet ne Toroor Joshua, “Tokyi Ai ng'otit ne itinye eng' euut, amu andoi eung'ung' nganasaniito.” Ak kitokyi Joshua ng'otit ne ki tinyei eng' eunnyi nganaseet.

BUKUIT NE TILIL

¹⁸ Ak kilenji Jehovah Josua, Tokyi Ai ng’otit ne itinye eng’ eut; amu andoi eung’ung’ nganasanito. Ak kitokyi Josua ng’otit ne kimi eunnyi nganaset.

JOSHUA 8:18 Referencias Cruzadas

Kitabuutap JOB 15:25

Amu kigochuul ineendet eunnyi kogirinda Kamuktaindet, komenjin Ineendet Ne po Kamuktaet.

Kitabuutap JOB 39:23

Poljin ineendet motyetap kipchabonik, kobooto ng'otit ne ilyeli ak ndirit.

KOMONG'U 14:16

Namji parak kiroktong'ung' ak ichuul eung'ung' itokyi nyanjet, si kopcheak kobun aeng' ak kobun piigap Israel kwenutap nyanjet, ng'wonyut ole yaamaat.

KOMONG'U 8:1

Yeityo koleenji `Kamuktaindet ne Toroor Musa, “Ui kap Pharaoh ak ileenji kang'atiin Kamuktaindet ne Toroor kole: ‘Mete piikyuk koba, si kobiit koboisyeiwo.

KOMONG'U 8:5

Ak ki leenji `Kamuktaindet ne Toroor Musa, “Ileenji Aron, ‘Chuul eung'ung' ne iting'e kirokto itokyi ainoosyek, kereruusyek ak tamboinik, si komong' mororochik komong'ji emetap Misiri.’ ”

EZEKIEL 30:25

Ak agimiit eunegap laitoryatap Babilon, ak kobutyo eunegap Pharaoh; si konai kole aa Kamuktaindet ne Toroor, ye agoochi rotwennyu po chok laitoryatap Babilon, si kong'werere emetap Misiri.

JOSHUA 8:17

Ki ma komi chii ne ki ng'et eng' Ai anan ko Bethel, ne ki ma wo koon Israel. Ak ki pagaach nganaseet ko seng'eng'at yeityo koon Israel.

JOSHUA 8:19

Ye kingo tokyi Joshua ng'otit nganaseet, kong'eetyo pichu karibistos eng' chokyinet eng' ole kiribisye ak korwai kotokyigei yooto. Ki pa ak konam nganaseet ak kobeel kochokyi.

JOSHUA 8:26

Amu ma aruny Joshua eunnyi ne kigaiito koname ng'otit agoi kobar kogees piik tugul che ki menyei Ai.

JOSHUA 8:7

ong'eetyee eng' ribiseet ak onam nganaseet, amu indoi `Kamuktaindet ne Toroor Kamuktaindeng'wong' eunekwok.

1 SAMUEL 17:41

Ki nyo Philistindet koriikyi Daudi ak ki indoe ineendet chiito ne ki ipchin long'eet.

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.

1 SAMUEL 17:6

Ki tinyei kariigap sugunonik eng' keelyekyik ak ndiritap sugunwet eng' patennyi.